Азийн зах зээл дээрх алтны ханш өчигдрөөс нэг унци нь 1054,20 ам.доллар боллоо. Сүүлийн хагас жилийн байдлаар ам.долларын ханш евротой харьцуулахад 16 хувиар унасан нь ийнхүү алтны үнийг рекорд хэмжээнд хүргээд байна.

Өнгөрсөн хоёрдугаар сард нэг унци алт 793 евро байсан нь энэ жилдээ рекорд байсан юм. Цаашид ханшийн хэлбэлзэл хэрхэх нь Европын төв банк, Английн банкны хүүгийн бодлогоос хамаарах магадлалтай. Мягмар гарагаас долларын ханш унах магадлалтай байгаа тухай мэдээлэл гарч эхэлснээс болж тэргүүлэгч орнууд ам.долларыг газрын тосны зах зээл рүү хандуулж эхэллээ. Энэ нь алтны үнийг өсгөж, ам.долларын ханшийг буурахад хүргэжээ. Алтны ханшид өсөх хандлага гарч байгаа нь арилжаалагчдын сонирхлыг ихээхэн татаж, үнэт металлын эрэлт хэрэгцээ нэмэгдэнэ.

Энэ нь алтны үнийг буурахгүй байхад нөлөөлнө хэмээн шинжээчид дүгнэж байна. Өнгөрсөн есдүгээр сард Энэтхэг 50 тонн алт импортолсон нь мөн алтны үнэд нөлөөлсөн. Тус улсад залуу хосууд гол төлөө намрын улиралд хуримладаг нь үүнтэй холбоотой байжээ.