Өнөөдөр энгийн арилжаагаар 42 хувьцаат компанийн 591 сая төгрөгийн үнийн дүн бүхий 841,500 ширхэг хувьцаа арилжаалжээ.

18 компанийн хувьцааны ханш өсөж, 20 компанийн хувьцааны ханш буурсан, 4 компанийн ханш тогтвортой байлаа. 

Үүнээс "Хорин хоёрдугаар бааз" ХК (AHH +14.98%), "Крипто Үндэстэн" ХК (CNF +8.68%) болон "Жуулчин дюти фрий" ХК (SUL +7.53%) зэрэг компаниудын хувьцааны ханш хамгийн өндөр өсөлттэй байжээ.

"Женко тур бюро" ХК (JTB -10.58%), "УБ-БҮК" ХК (BUK -10.14%) болон "Баянгол зочид буудал" ХК (BNG -6.25%)-ийн хувьцаа хамгийн их уналттай байлаа.

Өнөөдрийн арилжаагаар хөрөнгө оруулалтын хоёр сангийн 56,818 ширхэг нэгж эрхийг 14 сая төгрөгөөр, хөрөнгөөр баталгаажсан 4,099 ширхэг үнэт цаасыг 409 сая төгрөгөөр, компанийн бондын хоёрдогч зах зээлийн арилжаагаар 1,000 ширхэг бондыг 99 сая төгрөгөөр тус тус арилжааллаа.

ТOP-20 индекс 0.8 хувиар буурч, 36485.84 нэгжид хүрсэн. Зах зээлийн үнэлгээ 6.7 их наяд төгрөг боллоо хэмээн Хөрөнгийн биржээс мэдээлэв.