“Тэрбум мод” үндэсний хөдөлгөөний хүрээнд ногоон хөгжлийг дэмжих, уур амьсгалын өөрчлөлтийн сөрөг нөлөөллийг бууруулах, иргэдийн оролцоонд тулгуурласан байгаль хамгааллын үйл ажиллагааг түгээн дэлгэрүүлэх үндэсний мод тарих өдөр удахгүй болох гэж байна. 

Энэ хүрээнд Үндэсний цэцэглэгт хүрээлэнгийн 280 га талбайд 181 мянган мод тарьсан байна. Энэ талаар Үндэсний цэцэрлэгт хүрээлэнгийн дарга Ү.Оюунзул "Үндэсний цэцэрлэгт хүрээлэнд  976 га талбайд мод тарьж, ногоон байгууламж бий болгохоор төлөвлөснөөс 280 га талбайд мод тарилт, ойжуулалтын ажил хийгдэж байна. Энэ хүрээнд 30 төрөл зүйлийн 181,000 мод  тарьсан бөгөөд 97.8 хувь нь амжилттай ургаж, ургалтын үзүүлэлт өндөр байна.

Нийслэлийн ундны усны эх үүсвэрийг хамгаалах, хөрс, агаарын бохирдлыг бууруулах, хотын ногоон байгууламжийг нэмэгдүүлэх нь мод тарих ажлын чухал зорилтын нэг юм.  Мод тарих ажил зөвхөн төр, байгууллагын үүрэг биш, хашаандаа, амьдарч буй орчноо ногооруулахад хүн бүрийн оролцоо чухал" гэв. 

Мөн Үндэсний мод тарих өдөр энэ сарын 27-ны өдрийн 10:00 цагт Үндэсний цэцэрлэгт хүрээлэнд болно.