Халдварт өвчин судлалын үндэсний төвөөс улаанбурхан өвчний нөхцөл байдлын мэдээллийг хүргэлээ.

Улаанбаатар хотод өчигдөр 4 тохиолдол, орон нутагт 1 тохиолдол нэмж бүртгэгджээ. Ингэснээр нийт батлагдсан тохиолдлын тоо 14,257 болж, дэгдэлт 369 дэх өдрөө үргэлжилж байна.

Дэгдэлтээс хойш 13 хүн нас барсан. Одоогоор эмнэлэгт 27 хүн хэвтэн эмчлүүлж байна.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Улаанбурхан өвчний эсрэг вакцинд хамрагдсан тухай мэдээллээ өрх, сумын эрүүл мэндийн төвдөө очин цахим бүртгэлийн програмд бүртгүүлээрэй. Хэрвээ улаанбурханы эсрэг вакцинд хамрагдаагүй хоцорсон бол хамрагдан өөрийгөө болон бусдыг улаанбурхан өвчнөөс хамгаалаарай.

Тодруулах, лавлах зүйл байвал 100,119, 72224444 утсанд хандана уу.