Монголчууд гэр бүл болсон хосын хамт амьдарсан он жилүүдийг арван арванаар нь онцолж, есөн эрдэнийн хурим хийдэг уламжлал бий.

Айл гэр болж, гал голомтоо бадрааснаас хойш үр хүүхдээ өсгөж, өнөр өтгөн, эвтэй найртай сайхан амьдарч буй хос хүсвэл есөн эрдэнийн хурим хийж, гэр бүл, ахан дүүсээсээ ерөөлийн бэлгэтэй үгс сонсож, хамт бүтээсэн амьдрал, амжилтаа тэмдэглэдэг байна.

Есөн эрдэнийн хуримыг: 

• 10 жил амьдарсан хос- Ган эрдэнийн хурим
• 15 жил амьдарсан хос- Танан эрдэнийн хурим
• 20 жил амьдарсан хос- Номин эрдэнийн хурим
• 25 жил амьдарсан хос- Мөнгөн эрдэнийн хурим
• 30 жил амьдарсан хос- Сувдан эрдэнийн хурим 
• 35 жил амьдарсан хос- Шүр эрдэнийн хурим
• 40 жил амьдарсан хос- Зэс эрдэнийн хурим
• 45 жил амьдарсан хос- Оюу эрдэнийн хурим
• 50 жил амьдарсан хос- Алтан эрдэнийн хурим
• 55 жил амьдарсан хос- Очир эрдэнийн хурим хийдэг уламжлалтай. 

Гэрэл зургийн эх үүсвэр: Гэрлэх ёслолын ордон