Энэ арал яагаад чухал вэ? 

АНУ-ын Ерөнхийлөгч Ираны Харк арал руу агаараас довтолсноо баасан гарагт мэдээлсэн. Ойрх Дорнодын түүхэн дэх хамгийн том бөмбөгдөлтийг амжилттай дуусгасан гэсэн юм.   

Харк арал Ираны эдийн засгийн гол судас юм. Энэ арал дээр газрын тосны томоохон терминал бий. Америкчууд арал дээрх цэргийн 90 байгууламжийг бүрэн устгасан ч газрын тосны дэд бүтцийг ёс зүйн шалтгаанаар үлдээжээ. 

Гэхдээ Иран Ормузын хоолойгоор өнгөрч буй усан онгоцнуудын аюулгүй байдалд ямар нэг аюул заналхийлбэл газрын тосны байгууламж руу дайрч болзошгүй хэмээн Доналд Трамп анхааруулсан байна. 

Харк арал Ираны эргээс 24 км зайтай оршдог. Жижиг арал боловч Ираны эдийн засагт чухал байр суурь эзэлдэг. Ираны түүхий газрын тосны 90 хувийг энэ арал руу хоолойгоор тээвэрлэдэг байна. 

Эндээс 320 мянган тонн хүртэл газрын тос тээвэрлэх том хөлөг онгоцнууд арлын урт тулгууруудад ойртох боломжтой байдаг. Ираны эх газрын эрэг гүехэн тул аварга тээвэрлэгч хөлгүүдэд тохиромжгүй. Харин Харк арлын эрэг дагуух ус гүнзгий. Эндээс тээвэрлэгч хөлгүүд Ормузын хоолойгоор гарч, Хятадыг зорьдог. Энэ арал Ираны эдийн засгийн гол орлогын эх үүсвэр юм. 

Иран бөмбөгдөлтөд арлын оршин суугч, ажилчдаас нэг ч хүн өртөөгүй, газрын тосны тээвэр хэвийн үргэлжилж байна гэжээ. 

Эх сурвалж: BBC