Дэлхийн аваргын хонь ноослох, ноос ангилах, пресслэх тэмцээнд Монгол Улс бүх төрөлд анх удаа оролцож амжилт үзүүллээ. Тодруулбал, 2026 оны 3 дугаар сарын 4–7-ны өдрүүдэд Шинэ Зеланд улсын алдарт Мастертон хотын стадионд зохион байгуулагдсан Golden Shears Дэлхийн аваргын хонь хяргах, ноослох ангилах пресслэх тэмцээнд Монгол Улс анх удаа оролцож, эх орныхоо нэрийг дуурсган, хяргалтын спортын олон улсын тавцанд Монгол Улсын нэрийг тодотголоо.

Хяргалтын төрөлд  28 улсын 50 гаруй шилдэг тамирчид өрсөлдсөн энэхүү нэр хүндтэй тэмцээнд Монголын баг анх удаа оролцож, багийн дүнгээр 11-р байр, мөн хонь хяргалтын В ангилалд 5-р байр эзэлсэн нь үнэхээр бахархам амжилт боллоо.

1. Ганцаарчилсан хонь хяргалт 
2. Ганцаарчилсан ноос ангилал 
3. Багийн хонь  хяргалт 
4. Багийн ноос ангилал 

Golden shear-тэмцээнд 
1. хонь хяргалт (Novice, Junior, Intermediate) 
2. Ноос ангилалд (Junior) 
3. ноос пресслэгч (ганцаарчилсан болон багийн төрөлд) 
4. хурдан хяргалт (senior speed shearing)  

Цахилгаан хайчаар хонь хяргах уламжлалтай олон улс орон 1800-аад оноос эхлэн хөгжүүлж ирсэн бөгөөд Шинэ Зеланд, Австрали, Уэльс, Шотланд, Англи зэрэг улс орнууд энэ спортын урт удаан түүх, туршлагатай.

Энэхүү өндөр туршлагатай улс орнуудын дунд Share Mongolia Trust Pte, New Zealand болон "Share Mongolia” НҮТББ, түүний үүсгэн байгуулагч, хяргагч залуус, суралцагч хамт олны нөр их хөдөлмөрийн үр дүнд, мөн Шинэ Зеланд улсаас 2022 оноос эхлэн Монгол Улсад ирж сургалт зохион байгуулсан багш, мэргэжилтнүүд, бидэнд итгэж хамтран ажилласан олон улсын төсөл хөтөлбөрүүд, төслийн зөвлөх мэргэжилтнүүдийн дэмжлэгтэйгээр ердөө 3.5 жилийн хугацаанд ийм өндөр амжилтад хүрч чадсан нь үнэхээр онцгой үйл явдал юм.

Эх сурвалж: "Share Mongolia” НҮТББ