УИХ-ын чуулганы баасан гарагийн /2026.06.12/ нэгдсэн хуралдаан эхэллээ. Хуралдааны эхэнд УИХ-ын гишүүн П.Батчимэг нарын гишүүдийн санаачилж, өргөн мэдүүлсэн Замын хөтөлгөөний аюулгүй байдлын тухай хуулийн төслийг баталлаа. 

Энэ хууль батлагдсанаар хүүхдийг зам, тээврийн осол гэмтлээс хамгаалах зохицуулалтын хүрээнд 2026 оны 7-р сарын 1-нээс 18 нас хүрээгүй хүүхэд скүүтер, мопед, суррон унахыг хориглосон заалт мөрдөгдөж эхэлнэ. Насанд хүрээгүй хүүхэд дээрх тээврийн хэрэгсэл унавал эцэг, эх асран хамгаалагчид нь хариуцлага тооцно. Мөн дээрх тээврийн хэрэгслийг насанд хүрээгүй хүүхдэд унуулсан ААН-д хариуцлага тооцох зохицуулалттай.