МАН-ын VII Бага хурал Тусгаар тогтнолын ордонд болж байгаа юм. Хуралд оролцогч 259 орчим гишүүнээс санал хураахад дийлэнх нь намын дарга М.Энхболдод санал өгчээ.  

Ингэснээр тэрээр МАН-аас Ерөнхийлөгчийн сонгуульд өрсөлдөх эрхийг өвөртөллөө. УИХ-ын дэд дарга Ц.Нямдорж түүнтэй өрсөлдсөн ч ялагдал хүлээлээ. Тэрээр 14,3 хувийн санал авчээ.      

Тус намын Удирдах зөвлөлөөс Ц.Нямдорж болон М.Энхболдын нэрийг дэвшүүлсэн. Намын Бага хурлын төлөөлөгчдийн дунд нууц санал хураалт явуулжээ. Тэдний 85.7 хувь нь М.Энхболдод саналаа өгсөн байна. 

МАН-ын VIII Бага хурал Ерөнхийлөгчийн сонгуулийн мөрийн хөтөлбөрөө хэлэлцэж эхлэх гэж байна.

МАН дотоод санал асуулга нээлттэй, шударга, ардчилсан боллоо гэж дүгнэж байна.

Санал хураалтын дүн гарсны дараа УИХ-ын дэд дарга Ц.Нямдорж “Би ийм дүн гарахыг мэдэж байсан. Иймээс надад цочирдоод байх юм алга. Намайг дэмжсэн хүмүүст хандаж хэлэхэд “Нямдорж явж байна" гэж бодоод М.Энхболд даргыг дэмжээрэй” гэлээ.

Түүнчлэн тэрбээр М.Энхболдод амжилт хүсч, духан дээр нь үнсчээ.

Гэрэл зургийг Б.Бямба-Очир