Баруун Европын орнуудад агаар хэт халж 30 хэмээс дээш халуун тогтоод байна. Францад л гэхэд өдөр тутмын агаарын хэм 30-аас давсан үзүүлэлттэй байгаа аж.  

2003 онд тус улсад 37 хэмийн халуун байсан бөгөөд үүнээс болж 15 мянган хүн амь үрэгдсэн аж. Энэ нь ердийн үзүүлэлтээс даруй 10 хэмээр илүү гэдгийг ус цаг уурчид онцолж байгаа юм.

Тиймээс үйлдвэрийн газруудын ажиллах хуваарийг өөрчилж, их хэмжээний ус байнга ууж, хүнд хүчир ажил хийхгүй байхыг мэргэжилтнүүд зөвлөжээ.

Аагим халуун байдал Их Британи, Франц, Герман, Швейцарийг нөмрөөд байна. Гэтэл ОХУ-ын төв хэсэгт бороо орж, олон хот тосгон усанд автжээ.

Т.Бүрэн