"Forbes" сэтгүүл уламж­лал ёсоор хамгийн нөлөө бүхий эмэгтэй удирдагчдын жагсаалтыг гаргасан байна. Энэ удаад ХБНГУ-ын канцлер Ангела Меркель жагсаалтын нэгдүгээрт бичигджээ. Түүн­ийг Засгийн газрыг тэргүүлэх хугацаанд Германы эдийн засаг хөгжиж, ДНБ нь 3.3 триллион ам. долларт хүрэн, ажилгүйчүүд­ийн тоо багассан байна. Түүн­ээс гадна канцлер тууш­тай эсэргүүцсэнээр тэт­гэвэрт гарах насыг өөрч­лүүлээгүй, мөн хүүхдийн тэт­гэм­жийн хэмжээг нэмэгдүүл­сэн юм. Өөрийн үзэл бодол­доо тууштай байж буддын шашны тэргүүн Далай ламыг хүлээн авч уулзсан, Зим­бабвегийн Ерөнхийлөгч Ро­берт Мугабег шүүм­жилж, байгаль орчныг хам­гаалах асуудалд ч нэлээд анхаарал хандуулсан байна. Тиймээс ч түүнийг хамгийн нөлөө бүхий эмэгтэй улстөрчөөр тодруул­сан бай­на.

Жагсаалтын хоёрдугаарт АНУ-ын Төрийн нарийн бич­гийн дарга Кондолиза Райс бичигджээ. Гурав­дугаарт Америкийн "PepsiCo" ком­панийн гүйцэтгэх захирал Индра Нуий орсон байна. Энэ эмэгтэй компанийнхаа нэр хүндийг дэлхийн тавцанд хад­галан үлдэхэд маш их хүчин чармайлт гаргасныг нь ийн­хүү өндрөөр үнэлжээ. Уг жаг­саалтын эхний аравт "Well­Point"ком­панийн гүйцэтгэх захирал Анжела Брейли, "Anglo American" компанийн гүйцэт­гэх захирал Синтия Керролл нар багтжээ.