СОP17 хурлын бэлтгэл ажилтай танилцаж байна.

“СОР 17” олон улсын бага хурлын бэлтгэл ажлыг ханах Ажлын хэсэг хуралдаж, хуралд Ерөнхий сайд Н.Учрал оролцож, үүрэг өгч байна. Тэрээр энэ хурлыг зоохион байгуулах үндэсний хороог ахлан ажиллаж байна. 

ХХААХҮ-ийн сайд Ц.Идэрбат "СОР 17 хурлын үеэр дэлхийн малчдын дуу хоолойг сонсоно. Манай улсаас 240, гадаад удсуудаас 160 орчим малчин ирж, бэлчээрийн нөхцөл байдлыг хэлэлцэнэ" гэв. 

Дэлхийн 190 улсын төлөөлөл энэ хуралд оролцохоор бүртгүүлжээ. 100-аад дээд түвшний төлөөлөл буюу Ерөнхийлөгч, Ерөнхий сайд, сайд нар оролцоно.    

Ерөнхий сайд Н.Учрал "СОР 17 нь зөвхөн хурал, эвэнт биш. Энэ бол хөрөнгө оруулалт татах маш том боломж юм. Бидэнд цөлжилттэй тэмцэх мэдлэг туршлага, нөү-хау дутуу. Эдгээрийг богино хугацаанд олон талаас судалж мэдэх боломжтой. Бид энэ хурлаар дамжуулан олон улсад нэр хүндээ өсгөх хэрэгтэй байна. Бидэнд юу байна? Өргөн уудам газар нутаг, нар, салхины маш их нөөц байна.

Эдгээр давуу талаа олон улсад таниулъя. Сингапурт нүүрс хүчлийн хийгээ худалдаж, ам.долларын орлого болох боломжтой Энэ давуу талаа ашиглая. Би ингээд ярихаар хүмүүс агаарын юм ярилаа гэж шүүмжилдэг. Энэ агаарын биш, бодит төсөл юм. Удирдагч хүн ард түмэндээ удирдуулах биш, өөрөө урд нь гараад мөс хагалах ёстой.    

Ц.Сандаг-Очирын ахалсан ажлын хэсэг сайн ажиллаж байгаа юм байна. Энэ хурлаас гарах улс төрийн шийдвэр их чухал. Энэ нь хурлын гол үр дүн байх болно. Бид 200 тэрбум төгрөг зарцуулж байгаа бол хамгийн багадаа 3-5 үр дүн гаргах ёстой. Үүнд ажлын хэсэг анхаарч, үр дүнгээ тодорхойлоорой. Хамгийн их маргаан гарах хэлэлцээнүүд нь аль вэ?

Ц.Сандаг-Очир сайд энэ бодлогод анхаараарай. Бид хуралдаан даргалагч улс шүү дээ. Бид дэлхийн чиг хандлагаас ихэээхэн хоцорсон. Энэ дутуугаа нөхөх боломж гэж хурлыг харах ёстой. Бид Уур амьсгалын өөрчлөлттэй тэмцэх хуулиа баталсан. Энэ их чухал ажил болсон.

Олон улсын хурлыг зохион байгуулсан туршлага бидэнд бий. Гэтэл өнөөг хүртэл хэл ам, хяналт шалгалт үргэлжилж байна. Ийм  зүйл дахин бүү гараасай. Хүнээс хандив авсан бол юунд зарцуулснаа ил тод мэдээлээрэй. Төр ийм хандлагатай байж болохгүй. Сэтгүүлчдээс юуг ч битгий нуу" гэв. 

НҮБ-ын Цөлжилттэй тэмцэх конвенцын Талуудын 17-р бага хурал (COP17) манай улсад болоход 27 хоногийн дараа болно.