“Лос Анжелес 2028” Олимпын наадам тасалбарын хоёр дахь борлуулалтын үе шатаа наймдугаар сарын 20-нд хаасан бөгөөд нийт борлуулалт 6 сая давсныг зохион байгуулагчид хэллээ. 

Олимпын наадмыг Зохион байгуулах хорооны дарга Кейси Вассерман “Дэлхий нийт “Лос Анжелес 2028” наадамд өндөр хүлээлттэй байгааг тасалбар борлуулалтын тоо харуулж байна. 2027 онд илүү их тасалбарын нөөц, илүү өргөн хүртээмж, дэлхийн хамгийн агуу спортын арга хэмжээний нэг хэсэг болох илүү олон боломжийг санал болгоно” гэжээ.

Мөн 2027 онд “түрүүлж авсан нь авах” зарчмаар дараагийн борлуулалтыг эхлүүлэхээ мэдэгдлээ. Уг борлуулалт нь үлдсэн тасалбарын нөөцөөс хамааран түрүүлж авсан нь авах зарчмаар явагдана. Борлуулалт эхлэх огноог одоогоор зарлаагүй байна. 

Эхний хоёр борлуулалтын үе шатанд нэг худалдан авагчид олимпын тэмцээний 12 тасалбар, мөн хөлбөмбөгийн тэмцээнд зориулан нэмэлт 12 тасалбар авах хязгаар тогтоож байсан. Харин 2027 оны борлуулалтаар энэ хязгаарлалтыг цуцалжээ.

Мөн илүү олон спортын төрөлд зориулсан тасалбарын нэмэлт нөөц худалдаанд гарна.

Эх сурвалж: Монголын үндэсний олимпын хороо