Хүйтэн сэрүүний улиралд галлагааг буруу хийсний улмаас угаарын хийн хордлого ихэсдэг. Тиймээс зөв галлаж угаарын хийн болзошгүй аюулаас урьдчилан сэргийлээрэй.

Галлагаа хийхдээ:
-Түлшийг зохистой хэмжээгээр хийж, зуухны агаарын тохируулгыг зөв хийх
-Яндан, зуухны битүүмжлэл болон таталтыг шалгах
-Угаарын хийн мэдрэгчийн хэвийн ажиллагааг шалгах
-Агаар сэлгэлтийг тогтмол хийх
-Унтахын өмнө галлагаа болон зуух, яндангийн байдлыг заавал шалгах

Угаарын хий нь түлшний дутуу шаталтын үед үүсдэг агаараас хөнгөн, өнгөгүй, үнэргүй, амтгүй байдаг тул мэдрэхэд маш хэцүү. Тиймээс аюултай хэмжээнд хуримтлагдсаныг анзаарахгүй байх эрсдэлтэй. 

Хордлогын анхны шинж тэмдгүүд:
-Толгой өвдөх
-Дотор муухайрах, бөөлжих
-Бие сулрах, ядрах
-Нойр хүрэх
-Ухаан балартах

Угаарын хийн хордлогын үед хэрхэн анхны тусламж үзүүлэх вэ?
-Угаартай орчноос яаралтай гаргах
-Унтуулахгүй байх
-Ам, хамар, залгиурыг чөлөөлж, цэвэрлэх (шаардлагатай үед хиймэл амьсгал, цээж шахалтыг яаралтай хийх)
-Яаралтай түргэн тусламж (103) дуудаж эмчид яаралтай хандах.