Сүхбаатар аймгийн Мөнххаан сумын Баянтэрэм багийн нутаг, “Наран саран” гэдэг газарт хээрийн түймэр гарсан тухай дуудлага есдүгээр сарын 17-ны өдрийн 16:00 цагт иржээ. Тус газар нь аймгийн төвөөс 90, сумын төвөөс зүүн хойш 60 км зайд оршдог байна.

Дуудлагын дагуу аймгийн Онцгой байдлын газар, Түмэнцогт сум дахь Эрэн хайх, аврах бүлгийн алба хаагчид, Мөнххаан болон Баруун-Урт сумын мэргэжлийн ангийн алба хаагчид, Мөнххаан суманд үйл ажиллагаа явуулдаг “Хунт өгөөж” ХХК-ийн ажилтнууд ажиллажээ.

Түймрийг унтраах ажиллагаанд нийт 89 хүн, 17 автомашинтайгаар ажиллаж, есдүгээр сарын 18-ны 13:59 цагт цурамд оруулсан байна. Одоогоор түймрийг бүрэн унтраахаар ажиллаж байгаа аж.