“Grow with Google” хөтөлбөр гурав дахь жилдээ зохион байгуулагдаж, технологи, өгөгдөл, хиймэл оюун ухаан, маркетингийн чиглэлээр бодит ур чадвар олгох 5-11 долоо хоногийн эрчимжүүлсэн сургалтаа эхлүүлэх гэж байна.

Хөтөлбөрийн онцлог тун энгийн. Google-ийн албан ёсны сертификат олгох сургалтыг Монгол Улсдаа авна гэсэн үг. Учир нь суралцагчид Coursera платформ дээрх Google-ийн бэлтгэсэн англи хэл дээрх агуулгад цахимаар хамрагдахын зэрэгцээ, салбартаа тэргүүлэгч монгол багш нарын танхимын хичээл, менторшипоор тайлбар, чиглүүлэг авч суралцах юм. Өөрөөр хэлбэл, Coursera дээрх Google-ийн хичээлийг шууд орчуулж дамжуулалгүй, монгол багш нар Монгол дахь туршлагад үндэслэн ойлголтуудыг тайлбарлан, монгол хөрсөн дээрх бодит кэйсүүдийг задалж, дадлага, төслүүдээр суралцагчдын мэдлэгийг батжуулж явна гэсэн үг.

Өмнөх жилүүдийн төгсөгчдийн дунд хийсэн судалгаагаар 95.8 хувь нь энэ хөтөлбөрөөс сэтгэл ханамжтай үлдэж, 88.3 хувь нь амжилттай төгссөнөөс ямар чанартай, орчин үеийн, шинэлэг агуулга, заах арга барил болохыг ойлгож болох юм. 
Хөтөлбөртэй танилцах: https://www.gwg.mn/

Хөтөлбөр хэнд зориулагдсан бэ?

“Grow with Google Mongolia” хөтөлбөр нь:

• Карьераа шинээр эхлүүлэхээр зорьж буй хүмүүс,
• Одоогийн ур чадвараа ахиулахыг хүссэн мэргэжилтнүүд,
• Хиймэл оюун ухааныг бизнестээ ашигтайгаар нэвтрүүлж, ажилчдынхаа бүтээмжийг нэмэгдүүлэх боломжийг хайж буй менежерүүд,
• Дипломоос илүү бодит ур чадварыг эрхэмлэгчдэд зориулагдсан бөгөөд ахисан түвшний ангиудаас бусад ангид урьдчилсан мэргэжлийн мэдлэг шаардахгүй, компьютерын энгийн хэрэглээний чадвартай байхад хангалттай аж.

Энэ жилийн хувьд хөтөлбөр гурван түвшинд, есөн чиглэлээр явагдах юм байна. Суурь түвшинд төслийн менежмент, өгөгдлийн шинжилгээ, кибер аюулгүй байдал, дижитал маркетинг, UX дизайн зэрэг технологийн салбарт орох процессыг дөтлөх хөтөлбөрүүд багтсан бол ахисан шатанд машин сургалт, статистик загварчлал, Python программчлалын хэлийг ашиглан автоматжуулах зэрэг илүү мэргэшсэн ур чадварууд оржээ. Харин гурав дахь түвшин нь хиймэл оюун ухааны үндэс, түүнийг өдөр тутмын ажил болон бизнесийн стратегид хэрхэн ашиглахыг заах юм байна. Түвшин бүр 5-11 долоо хоног үргэлжлэх бөгөөд төлбөр нь 1,200,000 – 2,500,000 төгрөгийн хооронд багтаж байгаа аж.

Суралцах үйл явц нь ямар юм бол?
Хэрхэн суралцах вэ гэхээр, дээрх хөтөлбөрүүдээс өөрт тохирсон чиглэлээ сонгож, QPay-ээр бүтэн эсвэл StoreРay-ээр 45 хоногийн турш хүүгүйгээр хуваан төлөөд, 11 долоо хоногийн турш чиглэл бүрийн чадварлаг багшийн удирдлага доор суралцах аж.  Амжилттай суралцаж, дүүргээд Google Career Certificate-аа авах юм.

Google Career Certificate ямар ач холбогдолтой юм бэ?

Энэхүү сертификат дэлхий даяар 2.4 сая гаруй ажлын байранд хүлээн зөвшөөрөгддөг бөгөөд LinkedIn профайл дээрээ шууд байршуулах боломжтой юм байна.

Түүнчлэн хөтөлбөрөө төгсөөд, сертфикатаа аваад л бүх зүйл дуусахгүй. Төгсөгчид нэгдсэн сүлжээнд орж, ажлын байрны мэдээлэл, карьер хөгжлийн дэмжлэг авах боломжтой ажээ. Үүнээс гадна зөөлөн ур чадварын сургалт, оффис аялал, төслийн чалленж болон коммьюнити арга хэмжээнүүдэд оролцож, “Grow with Google”-ийн 1000+ гишүүнтэй коммьюнитид нэгдэж, хүрээллээ тэлэх боломжтой юм. 

Технологи, өгөгдөл, хиймэл оюун ухаан хурдтай өөрчлөгдөж буй энэ үед нэг л зүйл тогтвортой үлдэнэ. Энэ бол бодит ур чадвар. “Grow with Google” хөтөлбөр энэ чадварыг эх хэл дээрээ, системтэй, сертификаттайгаар эзэмших боломжийг гурав дахь нээж өгч байна.

Холбоо барих
Утас: 94925727
Фэйсбүүк: Grow with Google Mongolia
Инстаграм: gwg.mongolia