Улсын төсвийн хөрөнгө оруулалтаар Увс аймгийн Улаангом суманд 960 хүүхдийн суудалтай сургуулийн барилга угсралтын ажил бүрэн дуусжээ.

Энэ сарын 2-ны өдөр барилга байгууламжийг байнгын ашиглалтад оруулах комисс ажиллаж үүрэг даалгаврын биелэлтээр ашиглалтад хүлээн авахаар шийдвэрлэсэн байна.

Барилгын гүйцэтгэгчээр "Арвижих-Увс" ХХК шалгарч, 2022 оны 11 дүгээр сарын 08-ны өдөр гэрээ байгуулсан. Зураг төслийг автор "Критев монголиа" ХХК гүйцэтгэв. 

Уг төсөл арга хэмжээ нь 2022-2025 оны хооронд шилжин хэрэгжихээр Улсын төсөвт хөрөнгө батлагдсан аж.