"Старчейз Автомотив Лимитд" ХХК Land Rover брэндийн 2026 оны шинэчлэгдсэн Defender загварыг танилцуулж байна.

• Домогт Defender: Гадаад үзэмж шинэчлэгдэж, урд болон арын гэрэл өөрчлөгдөж, шинэ өнгөний болон обудны сонголт нэмэгдлээ.
• Тав тух: Сайжруулалтын хүрээнд хэрэглэхэд хялбар 13.1 инчийн мэдрэгчтэй шинэ дэлгэц бүхий инфотейнмент систем суурилуулсан.
• Хялбар жолоодлого: Бартаат замын ухаалаг хурд түгжигчийг анх удаагаа Defender-т суурилуулсан бөгөөд илүү хялбар бас тав тухтайгаар жолоодох боллоо.
• Бүх замын баатар: Хурд хүчний гайхамшиг Defender OCTA нь нэмэлтээр Саргассо цэнхэр, Бораско саарал өнгөнөөс гадна үзэмжтэй бараан өнгийн оруулгатай болсон.
• Бэлэн зарагдаж байна: Defender-ийн эхлэх үнэ 485,000,000 төгрөг. Дэлгэрэнгүй мэдээллийг https://www.landrover.mn/ -ээс аваарай.

Монгол улс, Улаанбаатар хот, 2026 оны 3 сарын 21-ны Бямба гараг: Зогсошгүй Defender 90,110,130 болон OCTA загварууд гадаад үзэмж, тоноглол, технологийн хувьд шинэчлэгдэж, урьд өмнөхөөсөө илүү дэвшилтэт боллоо.

Уг шинэчлэлд цоо шинэ их гэрэл болон арын гэрлүүдийн дизайн, стандарт манангийн гэрэл орно. Мөн орчин үеийн Вулстоун ногоон болон Бораско саарал өнгөөр сонголтоо нэмж, гадан деталиуд илүү минимал болж, илүү том 13.1 инчийн дэлгэцийг байршуулж ашиглахад хялбар инфотейнмент системийг суурилуулсан.Хурд, хүчээр илүү Defender OCTA нь Саргассо цэнхэр өнгө болон шинэчлэгдсэн хар оруулгуудаар үзэмжээ нэмжээ.

Defender-н үйл ажиллагаа хариуцсан захирал Марк Камеорн Defender 2026 загварын шинэчлэлтүүдийн талаарх мэдэгдэлдээ.

“Анх танилцуулагдсанаасаа хойших таван жилд Defender хэн болохоо харуулж чадсан. Анх 1948 онд Цуврал 1 хэмээх загвараас гараагаа эхэлсэн Defender одоо ч гэсэн манай харилцагчдын зүрх сэтгэлийг булаасан хэвээр байгаа. Хатуу дээвэртэй ачааны хувилбараас эхлээд домогт OCTA хүртэлх бүхий л загваруудынхаа эрэлтийг хангахын тулд бид үйлдвэрлэлийнхээ бүрэн хүчин чадлаар ажиллаж байна. Мөн тогтмол сайжруулалт хийх зорилтоо бид биелүүлж, адал явдлыг улам бүр амттай болгосон. Дизайны шинэ өөрчлөлт, шинэ өнгө, шинэ тоноглолууд гээд Defender-ийг иж бүрэн шинэчилснээр манай домогт 4x4 хүлэг маань улам сайжирсан.”

Гaдаад үзэмж

Defender-ийн гадаад үзэмжийг шинэчилж копут болон кирланы оруулгуудын материалыг өөрчилж, илүү хүчирхэг үзэмж, өнгөтэй болгосон ба бүх загварын обудны таглааг шинэ гялалзсан хар өнгөтэй логогоор чимэглэсэн.

Шинэчилсэн их гэрлүүд асах үедээ онцгойрч ялгарах бөгөөд арын гэрлүүд бараан өнгөтэй болж, үзэгдэх орчныг тодруулаад зогсохгүй, зууван хар лого бүхий хар өнгийн хамрын сараалж стандартаар тавигдана.

Мөнгөлөг, хар өнгийн нарийн зорж хийсэн 22 инчийн 7 салаа хайлшин обуд болон шинэ гадар өнгүүд: Калифорни мужийн Бораско хэмээх мөнгөний уурхайгаас санаа авсан металлаг саарал өнгө болон усан хүрхрээ, ногоон ой мод, ургамал бүхий Английн хот Вулстоуныг санагдуулам ногоон өнгөнөөс сонголтоо хийж боломжтой.

Шинэ инфотейнмент дэлгэц болон жолоочид туслах технологи

Салонд урд талын зорчигчдод зориулан Defender-ийн бүхий л технологийг удирдах 13.1 инчийн шинэ мэдрэгчтэй дэлгэцийг суурилуулсан ба арааны байрлалыг өөрчилж, илүү тохиромжтой байхаар байрлуулсан.

Адал явдалд дурлагчид Бартаат замын ухаалаг хурд түгжигчийг нэмэлтээр тавиулж болно. Энэ технологи нь All Terrain Progress удирдлагын хувьсал бөгөөд бартаат зам туулах үед жолоочид замаа анхаарахад нь туслах үүрэгтэй. Ингэхдээ уг систем хурдыг автоматаар тохируулж, бартаат зам дээр ч тав тухыг хангахад чухал үүрэг гүйцэтгэдэг.

Defender OCTA

Defender OCTA бол хурд хүчээр илүү буюу 635 морины хүчтэй 4.4 литрийн хос турбо V8 хөдөлгүүртэй, 6D динамик тулгуур эд анги, инфотэйнмент системтэй холбогдсон суудлаас гадна бартаат замын тусгайлсан OCTA горимтой гэдгээрээ бусдаасаа ялгардаг.

Тэгвэл хамгийн хурдан бөгөөд хүчтэй OCTA нь олон өнгөний сонголттой боллоо. Одоогийн Шаранта саарал, Петра зэсэн өнгөнөөс гадна Бораско саарал болон цоо шинэ Саргассо цэнхрээс сонголтоо хийгээрэй. Саргассо цэнхэр нь Саргассо тэнгисийг санагдуулам хөх цэнхэр өнгө юм.

Нэмээд Chopped Carbon Fibre гадна болон дотор өнгөний сонголтыг Defender OCTA дээр нэмэлтээр хийлгэх боломжтой ба салоны дөрвөн өнгөний сонголт болон 20 инчийн зормол хайлшин обуд гээд олон янзаар өөрчлөн захиалах боломжтой.

Нэмэлт тоноглол

Defender-ийн нэмэлт тоноглолын багцад Explorer Pack, Adventure Pack болон Urban Pack багтдаг. Мөн Expedition ачаа, хөндлөвч болон урд доод хамгаалалтыг одоогийн цайвраас нь гадна хар өнгөний сонголттойгоор авч болно.

Автоматаар дэлгэгддэг гишгүүр болон энгийн гишгүүрийн тусламжтайгаар Defender-ээс бууж, суух нь илүү хялбар болсон ба OCTA-гийн туулах чадварыг нэмэгдүүлэх 4.5 тонны даац бүхий, карбон таглаатай лебёдкa суурилуулах боломжтой. Нэмээд 90, 110 болон 130 загваруудын копутны стикер дизайн шинэчлэгдсэн.