АТГ-аас Ерөнхий сайд асан Л.Оюун-Эрдэнийн хүүгийн орлогыг шалгаж, гомдол, мэдээлэлд дурдагдсан О.Тэмүүлэнгийн зарцуулсан тансаглалын эх үүсвэр хууль ёсны болох нь тогтоогдлоо гэж өнгөрсөн 7-р сард мэдээлсэн.

“Херо энтертайнмент групп” ХХК-ийн гүйцэтгэх захирал Б.Баатар нь тус компанийн орлогоос О.Тэмүүлэнд:

• 2025 оны 1 дүгээр сарын 12-ны өдөр 150,0 сая төгрөг
• 2025 оны 3 дугаар сарын 16-ны өдөр 80,0 сая төгрөг
• 2025 оны 4 дүгээр сарын 5-ны өдөр 70,0 сая төгрөг буюу нийт 300,0 сая төгрөг шилжүүлэн өгсөн болох нь холбогдох этгээдүүдийн тайлбар, санхүүгийн баримтуудаар нотлогдсон гэсэн юм.

Нийслэлийн Татварын газраас ирүүлсэн баримтаар “Херо энтертайнмент групп” ХХК нь 2024 онд нийтдээ 265.8 сая төгрөгийн татвар төлсөн байна.

2024 оны жилийн эцсийн Аж ахуйн нэгжийн орлогын албан татварын тайлангаар 6.2 тэрбум төгрөгийн борлуулалтын орлого, татвар төлөхийн өмнөх ашиг 4.1 тэрбум төгрөг болохыг тус тус тайлагнасан нь баримтаар тогтоогдож байна.

Л.Оюун-Эрдэнийн хүүгийн орлого нотлогдсон ч түүнд их хэмжээний мөнгө шилжүүлсэн “Хүлэг контент” ХХК, “Херо энтертайнмент групп” ХХК болон захирал Б.Баатар, иргэн А.Амундра нарт холбогдох асуудалд АТГ-ын Мөрдөн шалгах хэлтсээс хэрэг бүртгэлтийн хэрэг нээн, мөнгөний эх үүсвэрийг мөрдөн шалгах ажиллагаа явуулж байна гэж мэдэгдсэн юм. Гэвч Б.Баатар, А. Амундра нар гадаадад гараад ирэхгүй байгаа аж.



Хууль зүй, дотоод хэргийн дэд сайд Д.Мөнх-Эрдэнэ өнөөдөр /2026.03.25/, Б.Баатар, А.Амундра нар гадаадад гараад, өөрийгөө гэмгүй мэтээр цахим хуудаснаа бичиж байна. Энэ хүмүүс яагаад өөрийнх нь дансаар орж, гарсан асар их мөнгөний асуудлаа хууль хяналтын байгууллагад тайлбарлаж чадахгүй байгаа юм бэ. Яагаад амь зулбаж гараад, бусдыг гүтгээд байгаа юм.

Буруугүй юм бол ирээд шалгуул. Засгийн газраас өргөн мэдүүлэх гэж буй Шүгэл үлээгчийг хамгаалах тухай” хуулийн төслийг баталбар та нарыг хамгаална” гэлээ.