АНУ-ын ерөнхийлөгч Дональд Трамп Ираныг өөрийн тогтоосон хугацаанаас өмнө тохиролцоонд хүрэхгүй бол “нэг шөнийн дотор устгана” хэмээн сүрдүүллээ.

Тэрбээр Ираныг Ормузын хоолойг дахин нээхийг шаардаж буй. 

Трампын тогтоосон эцсийн хугацаа нь Вашингтоны цагаар мягмар гаргийн орой 8 цагт буюу Улаанбаатарын цагаар лхагва гаргийн өглөө 8 цагт юм. 

Тодруулбал Трамп “Бүхэл бүтэн улсыг нэг шөнийн дотор устгаж чадна. Тэр шөнө нь маргааш ч байж магадгүй.

Тохиролцоо хийх эцсийн хугацаа дууссаны дараа Ираныг чулуун зэвсгийн үе рүү буцаана. Тэдэнд гүүр, цахилгаан станц гэж байхгүй болно” гэсэн байна. 

Иран түр гал зогсоох саналуудаас татгалзаж, оронд нь мөргөлдөөнийг бүрэн зогсоох, хориг арга хэмжээг цуцлахыг шаардсан. 

Шүүмжлэгчид Ираны дэд бүтцүүдэд зориудаар өргөн цар хүрээтэй цохилт өгөх нь дайны гэмт хэрэгт тооцогдож болзошгүйг анхааруулж байна. 

Талуудын хооронд мөргөлдөөн эхэлснээс хойш АНУ-ын талаас Иранд 13 мянга гаруй цохилт өгөөд байгааг АНУ-ын Төв командлалаас мэдээлжээ. 

Эх сурвалж: ВВС