Япон Улсын Токушима мужид болсон тийболын Азийн аварга шалгаруулах 17 дахь удаагийн тэмцээнд Монголын “PEAK” баг түрүүлж, аваргын цом өргөлөө. Тус тэмцээнд Азийн зургаан орны 28 баг оролцож, шилдгээ тодруулсан байна. 

Монголын “PEAK” тийболын баг 2022 онд байгуулагдсан бөгөөд Азийн аварга шалгаруулах тэмцээнд түрүүлснийхээ дараа өнөөдөр эх орондоо ирлээ.

Тус багийг дасгалжуулагч Г.Тэмүүлэн, У.Анхбаяр, сэтгэлзүйч М.Дэмбэрэлсүрэн, менежер Ц.Ууганнаст нарын бүрэлдэхүүнтэй баг удирдан оролцсон байна. Мөн тамирчдын бэлтгэл, тэмцээний явцад эцэг, эхчүүд дэмжлэг үзүүлжээ.

Тийбол нь бэйсболын суурь спорт бөгөөд хүүхэд, өсвөр үеийн тамирчдыг бэйсболд бэлтгэх чухал ач холбогдолтой спортын төрөл юм.