Балба–Төвөдийн хил орчимд маш хүчтэй үер, хөрсний гулгалтын гамшгийн улмаас 160 хүн амиа алдаж, 400 гаруй хүн сураггүй алга болоод байна.

Тэдний дунд гадаадын олон жуулчин, мөргөлчид байгаа бөгөөд Балбын аялал жуулчлалын байгууллага 400 гаруй аялагч сураггүй болсныг мэдээлжээ.

Үерийн ус байшин, сургууль, зам, гүүр, цахилгаан эрчим хүчний байгууламжуудыг урсган, зарим тосгоныг бараг бүхэлд нь сүйтгэсэн байна. 

Аврах ажиллагаа маш хүнд нөхцөлд явагдаж байгаа аж. Учир нь усны түвшин өндөр, шавар, нуранги их байгаа учраас зарим газарт нисдэг тэрэг газардах боломжгүй байна.