Эрдэмтэд энэ сарын 17-нд хиймэл дагуулын тусламжтайгаар Буд гаригийг дахин судалжээ. Судлаачид Буд гариг дээр эх дэлхийнхтэй адил амьд биет оршдог эсэхийг магадласан байна. Буд гариг дэлхийн дараачийн нэгэн амьдрал тээгч гариг мөн эсэхийг хүн төрөлхтөн олон жилийн турш судалсаар иржээ.

Судлаачид 1974-1975 оны үед Буд гариг дээрх гадаргууг ажиглаж эхэлсэн байна. Тэдгээр судлаачид 2009 оноос хойш анх удаа энэ төрлийн судалгааг нарийн хийжээ. НАСА-гийн инженер Жим Макк Адамс "Буд гариг дэлхийн хөгжилтэй тун адил түвшинд хувьсаж ирсэн. Буд, нар хоёрын зай бусад гаригийг бодвол илүү ойрхон. Марс дээр амьдрал байгаа гэж үзвэл Буд мөн ялгаагүй. Гэхдээ баттай тийм гээд шууд хэлэхэд эрт байна" гэжээ.

Буд гариг нь нарны аймгийн татах хүчний нөлөөнд хамгийн их оршдог нь аж. Мөн бусад гаригийг бодоход тойрог замд хурдан зорчдог бөгөөд өнгөрсөн хугацаанд солирын давтамж бага ажиглагдсан цөөхөн гаригийн нэг гэнэ. Буд гаригийн нарыг тойрон эргэх хурд ойролцоогоор 160 мянган км/цаг хэмээжээ.

НАСА-гийн төв лабораторийн инженер Чен Ван Йены үзсэнээр буд, сугар гаригийн эргэх хүчний нөлөөлөл ижил түвшинд байдаг. Харин Сугар гаригтай харьцуулахад Буд гариг нь харьцангуй тайван хөдөлгөөнд оршдог аж.

Анх тус хоёр гаригийг нэг тойрог замд мөргөлдөх аюултай талаар эрдэмтэд тооцоолж байсан ч сансрын татах хүчний хууль ёсоор тэд ойрын 500 жилд нэг тойрог замд тааралдах магадлал бага гэнэ.

Буд гариг нарыг 15 удаа тойрон эргэх хугацаанд найман тэрбум километр зарцуулдаг ажээ. Эрдэмтэд Буд гаригийн зургийг ажигласны үр дүнд дулаан уур амьсгал байдаг эсэх талаар таамаглал дэвшүүлжээ. Уг таамаг урьд, урьдны сансар огторгуй дахь багахан хэмжээний томъёололтой харьцуулбал хамаагүй баталгаатай гэнэ.

Өнгөрсөн дөрвөн тэрбум жилийн турш нар, буд гариг руу гэрэл гэгээг харамгүй илгээж байсан нь энэ бүхэнтэй холбоотой. Нар эх дэлхий рүү 11 цагийн давтамжаар гэрлийн туяа илгээдэг. Харин Буд гариг үүнээс дөрвөн цагийн бага давтамжаар нарнаас гэрэл хүлээн авдаг байна. Ойролцоогоор цельсийн 450 хэмийн халуун гэсэн үг. Үүнийг Фарангейтийн 840 хэм гэж үзвэл жижиг гаригийн тоонд багтдаг Буд нь уур амьсгалын таатай орчин бүрдүүлсэн байж болох юм. Эрдэмтдийн уг судалгаа нарны аймаг дотор амьдрал тээдэг цөөхөн гаригийн тоонд Будыг багтаах эсэх дээр яригдаж байна.

НАСА ирэх онд задгай сансарт илгээх "Полл-85" судалгааны төхөөрөмжөөр тус гаригт хийсэн ажлын эцсийн цэгийг тавих сонирхолтой аж.

Т.Батсугар http://www.niigmiintoli.mn/