Хоёр Солонгост үүсээд байгаа нөхцөл байдалд дэлхий нийтээрээ чих тавин ажиглаж байна.

Манай улсын хувьд харийн нутагт ажиллаж амьдарч байгаа иргэдийн дийлэнх нь Өмнөд Солонгост сурч, ажиллаж амьдардаг.

Тиймээс бид Солонгос улсад ажиллаж байгаа Монгол иргэн Н-тэй утсаар холбогдон тэндхийн нөхцөл байдлын талаар тодрууллаа. Тэрбээр яг одоо Сөүл хотод байгаа юм.

-Сөүл хотод иргэдийн нөхцөл байдал ямар байна вэ?
-Нөхцөл байдал тайван байна.

-Цэргийн хамгаалалт зэрэг арга хэмжээ хотын гудамжаар хийгдэж байна уу?
-Тийм зүйл байхгүй. Иргэд их тайван байна.

-Өмнөд Солонгост байгаа бусад Монгол иргэдтэйгээ холбогдсон биз дээ?
-Тийм ээ. Бид ч бас тайван байна.

Өмнөд Солонгос улсад иргэдийн нөхцөл байдал одоогоор тайван байгаа талаар ийнхүү Монгол иргэд мэдээллээ.

Ч.Болортуяа