Гаалийн ерөнхий газар ажилтнуудаа халж эхэлжээ. Халагдсан байцаагч нар дарга, цэргээ мэдэхгүй том зан гаргаж, ажлын цагаа барихгүй байсан гэнэ.

Тухайлбал, улсын ахлах байцаагч Пүрэвжав, Буянт-Ухаа дахь гаалийн газрын улсын ахлах байцаагч Ганболд, Сайншанд дахь гаалийн газрын улсын ахлах байцаагч Х.Чулуунбаатар, Дорнод аймгийн гаалийн газрын улсын ахлах байцаагч Б.Батболд, Сэлэнгэ аймаг дахь гаалийн газрын улсын ахлах байцаагч Д.Дүгэрсүрэн, Орхон аймаг дахь гаалийн газрын улсын ахлах байцаагч Т.Байгаль нарыг хүндэтгэн үзэх шалтгаангүйгээр томилогдсон ажилдаа удаан хугацаагаар очоогүй, төрийн тусгай албаны ажил тасалсан үндэслэлээр ажлаас нь халсан байна.

Харин гаалын улсын байцаагчийн хуулиар хүлээсэн үүргээ хангалтгүй биелүүлж, гаалийн хяналт шалгалтыг дутуу хийж, хууль бусаар бараа нэвтрүүлэх боломж олгосон Гашуун сухайт дахь Гаалийн газрын улсын байцаагч Ц.Мөнхжаргал, Д.Удвалцэцэг нарыг ажлаас нь халах арга хэмжээ авсан байна.



Э.Хүрэлбаатар http://www.niigmiintoli.mn/