Таван толгойн нүүрсний ордыг хөгжүүлэхтэй холбоотой гэрээ байгуулах асуудлыг нягтлан шалгаж УИХ-аар хэлэлцүүлэхэд бэлэн болгох үүрэгтэй ажлын хэсгийг Л.Эрдэнэчимэг гишүүнээр ахлуулан байгуулсан. Гэтэл УИХ-ын дарга захирамж гаргахдаа нэг биш хоёр ажлын хэсэг байхаар болгожээ.

Дэд ажлын хэсгийг нь спикерийн хуулийн зөвлөх А.Гансүх ахалж бүрэлдэхүүнд нь УИХ-ын Тамгын газрын ахлах зөвлөх П.Амаржаргал, “Эрдэнэс-Таван толгой” компанийн Санхүү эрхэлсэн дэд захирлын үүрэг гүйцэтгэгч Б.Батбилэг, тус компанийн Үйлдвэр эрхэлсэн дэд захирал М.Мягмар-Эрдэнэ, “Эрдэнэс-Оюутолгой” компанийн хуулийн зөвлөх И.Индранила нарын хүмүүс багтжээ. Таван толгойн асуудал тухайн компанийн төлөөллүүд оролцож, ямар ч холбогдолгүй “Эрдэнэс-Оюутолгой”-гоос хүртэл төлөөлөл орсон нь иргэдийн сонирхлыг татаж байна.

Д.Содон