Солонгост суралцахаар шийдээд байгаа танд хамгийн түрүүнд зочлохыг зөвлөх сайт бол http://www.studyinkorea.go.kr/niieds.jsp юм. Та энэ сайтнаас Солонгос улсын талаарх ерөнхий мэдээллээс гадна боловсролын салбарын товч бөгөөд үнэ цэнэтэй мэдээлэл авч болно. Уг сайтыг олон хэл дээр үзэх боломжтой ч хамгийн дэлгэрэнгүй мэдээллийг солонгос хуудаснаас авж болохыг анхаарахад илүүдэхгүй.

Одоогийн байдлаар ихэнх сургууль нь гадаад оюутан олноор элсүүлэх бодлого барьж байгаагаас мастер, докторт суралцах гадаад оюутнуудад төрөл бүрийн тэтгэлэг санал болгодог. Мөн зарим тэтгэлэг олгогч байгууллагууд ч Солонгос улсад суралцаж буй гадаад оюутнуудад тэтгэлэг олгодог бөгөөд тэдгээрийн заримаас доор оруулав.

1.    ЁнГан тэтгэлэгийн сан http://www.yonkang.co.kr
2.    Олон улсын боловсролын хөгжлийн төлөөх институт http://niied.interedu.go.kr/
3.    Солонгос судлалын сан http://scholar.krf.or.kr/index.jsp
4.    Солонгос элитүүдийг бэлтгэх тэтгэлэгийн сан http://www.kosffl.or.kr/main/main.php
5.    IITA Мэдээлэлийн технологийн судалгааны институт http://www.iita.re.kr/
6.    БНСУ-ын ШУ-ы сан http://www.kosef.re.kr
7.    Лотте сан http://www.lottefoundation.or.kr

Эл сангуудын зарим нь зөвхөн дэвшин суралцагч-дад тэтгэлэг олгож байхад, нөгөө нь зөвхөн Мэдээлэлийн технологийн оюутнуудад тэтгэлэг олгодог гэх мэт сан болгоны хүсэж буй объект, элсэгч нь өөр өөр байдаг. Мөн тэдний зарим нь зөвхөн TOEFL болон IELTS ын оноо буюу англи хэлний зохих мэдлэгтэй байхад болно гэж үзэж байхад өөр нэг нь давхар солонгос хэлний түвшин тогтоох шалгалт TOPIK-ын оноо шаардах зэргээр тэдний тавих шаардлага нь ялгаатай байдаг. Тиймээс сайтар судлан өөрт тохирсон нэгийг олж авах нь зүйтэй юм.