Өнөөдөр нутгийн зүүн хагаст бороо, уулархаг нутгаар хур тунадас орж, 7-8 нд шилжих шөнө газар тариалангийн бүс нутгаар цочир хүйтэрч болзошгүйг Ус, цаг уур орчны шинжилгээний газраас анхааруулж байна.

Нутгийн зүүн хэсгээр үүлэрхэг. Зүүн зүгийн нутгийн ихэнх, төвийн нутгийн хойд хэсгээр дуу цахилгаантай бороо орно.

Салхи зүүн зүгийн нутгаар баруун өмнөөс хойш эргэж, бусад нутгаар баруун хойноос секундэд 6-11 метр, говь талын нутгаар түр зуур секундэд 16 метр хүрч ширүүснэ.

Алтай, Хангай, Хөвсгөлийн уулархаг нутгаар 8-13, Говь болон зүүн зүгийн нутгийн өмнөд хэсгээр 22-27, бусад нутгаар 14-19 хэм дулаан байна.

Улаанбаатар хотод багавтар үүлтэй, бороо орохгүй. Салхи баруун хойноос секундэд 6-11 метр. Сэрүүсч 14-16 хэм дулаан байна.

Та ойрын хугацааны цаг агаарын мэдээг ЭНД дарж үзнэ үү.