Хан-Уул дүүрэг буюу Зай­сан толгойн хойно байр­ладаг "SS club"-т ойн арга хэм­­жээгээ тэмдэглэсэн "Сүү" хувьцаат компани бо­лон Ху­дал­даа хөгжлийн банк­ны ажилт­­­нууд хоолны хордло­го авлаа гэсэн мэдээлэл ирэв. Энэ хоёр байгууллага хамт­ран өнгөр­сөн бямба га­ригт "SS club"-т баяраа тэм­дэглэ­жээ. Баярын үйл ажил­лагаанд "Сүү" хувьцаат ком­паниас 400, "Худалдаа хөгж­лийн банк"-наас 500 ор­чим хүн оролцсон байна. Гэтэл банк­ны 50-иад, сүү­ний ком­панийн 170 хүнд (өчигдрийн байд­лаар) хорд­логын шинж тэмдэг илэрчээ. Харин эмнэ­лэгт "Сүү" хувь­цаат компа­ниас тав, "SS club"-аас нэг хүн эмчлүүлж байна. Тэдний би­еийн байдал тааруу байгаа гэнэ.

"Худалдаа хөгжлийн банк" 18, "Сүү" хувьцаат компани 50 нас хүрснээ тэм­дэглэхээр, хам­гийн найдвар­тайгаар нь дээрх рестораныг сонгожээ. Мэ­дээж баярлаж байгаа ул­сууд архи, дарс уух нь ойл­гомж­той. Хурсан олны ширээг тахианы махан ороо­мог, үх­рийн махан стейк, зуу­шууд, ногооны салат чимсэн байна. Товлосон цагтаа арга хэмжээ ч өндөрлөж, наргиж, цэнгэсэн хүмүүс гэр гэрийн зүг явц­гаажээ. Харин тэд маргааш өглөө нь толгой даахад бэрх болж, дотор нь эвгүйрэн, бөөлжицгөөсөн бай­на. Ул­маар халуурах, булчин ба­дайрч, ууц, нуруугаар нь хатгуулж, гүйлгэжээ. Эхэн­дээ согтууруулах ундаа хэ­рэг­лэсэн хүмүүс өөрсдийгөө шартчихлаа гэж бодсон гэнэ. Гэ­тэл баярын өдөр архи уугаа­­гүй, жолооч болон ха­руул хамгаалалтад ажилласан хүмүүст дээрх зовиур илэр­чээ. Ийн хэрэг бишдэнгүүт эмнэлэгт хандаж хордлого авсан болохоо мэдсэн аж. Харин зарим хүнд уг хордло­гын шинж тэмдэг хоёр хоно­гийн дараа буюу өчигдөр ажиглагдсан байх юм.

Ингээд дээрх хоёр бай­гууллагын үйл ажиллагаа хэрхэн явагдаж байгаа талаар сур­валжиллаа. Худалдаа хөгж­­­­лийн банкинд очиход эмч нар ирчихсэн ажилтнуу­дад үзлэг хийж байв. Хүмүү­сийн биеийн байдлын талаар маркетингийн албаны мэргэ­жилтэн тайлбарлахдаа "Одоо манай ажилтнуудын бие нь тааруу ч ээлжээр дусал хийл­гээд харилцагчдадаа үйлчилж байна. Тийм ч айхтар хүндэр­сэн өвчтөн байхгүй учраас эмнэлэгт хэвтсэн хүн алга. Мөн эмч нар салбаруудаар явж үзлэг хийж байгаа. Манай захирлууд "Сүү" хувьцаат компанийн удирдлагатай хамт­­ран асууд­лыг шийд­вэр­лэхээр гадуур ажилтай явж байна. Мөн Нийс­­лэлийн мэр­гэжлийн хя­налтын газарт өр­гөд­лөө өг­сөн" гэв. Тэгвэл "Сүү" хувь­цаат компанийн талаар мар­ке­тингийн мене­жер Г.Азза­яа­гаас дараахь тодруулгыг ав­лаа.

-Танай байгууллагаас олон хүн хордсон байна. Үйлдвэрийн үйл ажиллa­гаанд ямар доголдол гарч байна вэ?
-Бүгдэд нь л хордлогын шинж тэмдэг илэрсэн боло­хоор хэвийн бус явагдаж байна. Хөдөөнөөс бэлтгэл нийлүүлдэг жолооч нарын бие хүртэл тааруу байгаа учраас орон нутагт эмч­лүүлж байгаа. Одоогийн байдлаар манай­хаас хө­дөө хоёр ажилтан, Халд­варт өвчин судлалын үн­дэс­ний төвд гурван хүн хэвтэж байна. Энэ хордло­го хожим илэрдэг юм би­лээ. Жишээ нь би гэхэд л өчигдөр зүгээр байснаа өнөөдөр ну­руугаар өвдчих­лөө.

-"SS club"-т асуудлаа тавьсан уу?
-Одоогоор хариуцлага хүлээх энэ тэр гэсэн зүйл яригдаагүй байна. Чухам юунаас болж хордсоныг тог­тоох эцсийн хариу нь гараа­гүй байгаа.

-Танай хоёр байгуул­лага тэднийд захиалга өгөх­­дөө хоол нь найд­вар­тай эсэхийг нягт­лаа­гүй юм уу?
-Бид анх болгоомжилж хоол нь хэр зэрэг найдвар­тай эсэхийг нь асуухад "Манайх дээжээ мэргэж­лийн хянал­тын газарт байн­га шинжлүүл­дэг" гэж байсан. Харин одоо бо­лохоор тэр дээж нь байх­гүй, асгачихсан гэх юм гэлээ.

"SS club"-ийг хариуц­сан Хан-Уул дүүргийн мэр­гэж­лийн хяналтын хэлт­сийн Хүнс­­ний эрүүл ахуйн алба­наас тус ресто­раны хоолны дээжийн шин­жилгээ ямар байсан болон олон хүн хор­дуул­санд ямар арга хэмжээ авах талаар тодруулахаар очтол нэг ч мэргэжилтэн бай­сангүй. Цоожтой хаал­ган дээр М.Ариунбат, Ж.Даш­­дэлэг, Д.Лхамсүрэн гэсэн гурван байцаагч ут­саа би­чээд наа­жээ. Хэвлэл мэдээ­лэл ха­риуцсан ажилт­­наас тэднийг су­раг­латал "Аж ахуй нэгжүү­дийн хооронд урал­даан тэм­цээн зохиохоор явчих­сан, завгүй байгаа" гэлээ. Ингээд учир байдлыг тод­руулахаар байцаагч на­рын гар утас руу залгахад М.Ариунбат нь өвч­тэй байгаа, Ж.Дашдэлэг нь "Би мэдэхгүй, хариуцсан бай­цаагчаасаа асуу" гэв. Харин Д.Лхам­сүрэнгийнх нь утас хол­богдсонгүй.

М.Мөнхцэцэг