Эрүүл мэндийн сайд Э.Батшугар УИХ-ын чуулганы нэгдсэн хуралдааны үеэр эрэгтэйчүүдийн эрүүл мэндийг хамгаалах чиглэлээр хэрэгжүүлэх бодлогоо товч танилцуулав.

Тэрбээр, Өрхийн эмнэлгүүд болон анхан шатны эмнэлгүүдийн тогтолцоог сайжруулж, аймаг, орон нутагтаа эрчүүдийн эрүүл мэндийг хянадаг болъё. Зүрх судасны өвчин нь хүндрэхээс өмнө, даралт нь ихсэж цус харвахаас өмнө урьдчилан сэргийлье. Энэ хүрээнд эрүүл мэндийн даатгалын сангаас эрсдэлтэй бүлгийн эрэгтэй хүний эрүүл мэндэд зарцуулах санхүүжилтийг 111 хувиар нэмэгдүүлсэн.

Өрхийн эмч нар эрсдэлт бүлгийн эрэгтэйчүүдийг үзлэгт түлхүү хамруулбал илүү санхүүжилт авна. Ингэснээр тухайн хүнд чихрийн шижин, зүрх судасны өвчний эрсдэл байгаа эсэхэд дүгнэлт хийнэ.

:араа нь эмээ тогтмол уух, жингээ хасах, амьдралын зөв хэвшлийг сонгох уу гэдэг нь тодорхой болно. Өнөөдөр эрчүүд эмнэлэгт үзүүлэхгүй, эрүүл мэндийнхээ асуудлыг мэдэхгүй явж байгаад нас барах тохиолдол маш өндөр байна.