Компасс загварын суудлын автомашинтай гурван иргэн нэгдүгээр сарын 11-ний 11:00 цагийн орчим Улаанбаатар хотоос Төв аймгийн Сэргэлэн сумын Ээж хад хэмээх газрын чиглэлд яваад сураггүй болсон тухай дуудлагыг нэгдүгээр сарын 12-ны 02:50 цагт хүлээн авсан байна. 

Дуудлагын дагуу тус аймгийн Онцгой байдлын газрын Эрэн хайх аврах салбарын алба хаагчид болон ар гэрийнхэн нь Улаанбаатар хотоос Төв аймгийн Сэргэлэн сумын Ээж хад гэдэг газрын чиглэлд гарчээ.

Машиныг 40 настай эмэгтэй Б жолоодож явсан бөгөөд тэд төөрч автомашин нь бензингүй зогссон байсныг эсэн мэнд олж ар гэрт нь хүлээлгэн өгсөн хэмээн ОБЕГ-аас мэдээлэв.