Экстрим спортод үнэмлэхүй хувь нэмэр оруулсан GoPro компани нисдэг камер хөгжүүлж байгаа. Өнгөрсөн аравдугаар сарын сүүлээр нисдэг камер хэрхэн бичлэг хийсэн тухай Youtube сайтад байршуулсан бол өчигдөр шинэхэн дроныхоо нэрийг зарлалаа.

Дроныг Карма гэж нэрлэсэн бөгөөд албан ёсоор худалдаанд гарсны дараа 100 хэрэглэгчид бэлэглэх тухай ч мэдэгджээ. Шинээр байршуулсан бичлэг нь өмнөхтэйгээ адилхан хэдий ч ард нь ая дэвсэж, хоолой уншсан гэдгээрээ ялгаатай.

Түүнчлэн Карма дроныг 2016 онд худалдаанд гаргахаар төлөвлөж байгаа бөгөөд техник үзүүлэлтийн талаар одоохондоо чимээгүй байхаар шийджээ. Цаг хугацааны хувьд 2016 оны арван хоёрдугаар сарын 31-ний өдрөөс өмнө 100 азтанд Кармаг өгөх бол дөрөвдүгээр сарын 15-ны өдөр ялагчдыг тодруулна гэсэн байна.

Тэгэхээр ирэх жилийн эхний улиралдаа багтааж GoPro-ийн шинэ дронтой бид албан ёсоор танилцах магадлал өндөр.

Эх сурвалж: