Алтны үнэ ирэх онд ч өсөлтөө хадгална гэж томоохон банкнууд үзэж байна

Холбооны Нөөцийн банкны бодлогын хүүгийн шийдвэрт нөлөөлөх хөдөлмөр эрхлэлтийн үзүүлэлтийн мэдээллийг баасан гарагт танилцуулах товтой байгаатай зэрэгцэн алтны үнэ нэг орчим хувиар буурч, унц нь 2623 гаруй ам.доллароор арилжаалагдаж байна.

Тус металл нь аравдугаар сард тогтоосон дээд түвшнээсээ тав гаруй хувиар буураад буй ч энэ онд бодлогын хүүг бууруулж, Төв банкнуудын алт худалдан авалт нэмэгдсэнээр 28 хувиар өссөн юм.

Мөн ирэх онд ч өсөлтөө хадгална гэж томоохон банкнууд үзэж байна. Тухайлбал: “Macquarie Group” 2025 оны эхний улиралд унц нь 2650 ам.долларт хэлбэлзэх ч дээд түвшнээ шинэчилнэ гэсэн байр сууриа илэрхийлээд байна.