Хөтөлийн "Цемент шохой" ТӨХК-ийн дарга Н.Ганхуяг "Миний зургийг олон нийтэд зөвшөөрөлгүй тараасан" гэж ХЭҮК-т гомдол гаргажээ. Н.Ганхуяг нь компаниа алдагдалтай ажиллуулах шийдвэр гаргасан гэж зарим сайт мэдээлсэн байна. 

Санхүүгийн зөрчилтэй холбоотой асуудлыг нь Цагдаагийн байгууллагад шалгуулахаар шилжүүлжээ. ХЭҮК хуулиар хүлээсэн чиг үүргийн дагуу хүний хувийн нууц, хувийн мэдээллийг хамгаалахын зэрэгцээ үзэл бодлоо илэрхийлэх эрх, хэвлэл мэдээллийн эрх чөлөө, олон нийтийн мэдэх эрхийг хамгаалах үүрэгтэй. 

Иймд гомдлыг шийдвэрлэх ажиллагааг хууль, журмын дагуу явуулсан эсэх, албан бичгийн агуулга, холбогдох бусад байдалд ХЭҮК дотоод хяналт шалгалтыг эхлүүлж байна гэж өнөөдөр /2026.06.09/ мэдэгдлээ.