Тээврийн цагдаагийн албанаас баярын өдрүүдийн хөдөлгөөн зохион байгуулалт, цагдаагийн байгууллага өндөржүүлсэн бэлэн байдалд шилжиж буй талаар мэдээлж байна.

Улаанбаатар хотын хэмжээнд ердийн өдрүүдэд 136 цэгт 42 хөдөлгөөнт эргүүлийн автомашинаар 430 гаруй алба хаагч гурван ээлжээр жижүүрлэн үүрэг гүйцэтгэдэг. Шинэ жилийн баяртай холбогдуулан төв конторт ажиллаж байгаа 80 алба хаагч, ДХИС-ийн Цагдаагийн сургуулийн 150 сонсогчийг гудамж, замын хөдөлгөөн зохицуулах үйл ажиллагаанд татан оролцуулж байна.

Тээврийн хэрэгслээ оношилгоод оруулах, хаясан гээсэн, хугацаа дууссан жолооны үнэмлэхээ дахин авах бол торгуулиа төлөөд үйлчилгээ авахыг шаардаж буй юм.

Баярын энэ өдрүүдэд хоногт дунджаар согтуугаар тээврийн хэрэгсэл жолоодсон  40-50 жолоочийг илрүүлж байгаа бөгөөд энэ зөрчил энгийн өдрүүдийнхээс 50 хувиар нэмэгдсэн үзүүлэлт. 12 сар гарснаас хойш согтуугаар автомашин жолоодсон 907 зөрчил, согтуугаар зам тээврийн осол гаргасан 39 тохиолдол бүртгэгдсэн. Нийт осол хэргийн 70 орчим хувь нь шүргэлцэх, мөргөлдөх осол байгаа учир хөдөлгөөний дүрмийг баримталж зорчихыг анхааруулж байна. 

Энэ онд Улаанбаатарт замын хөдөлгөөний 1.7 сая орчим зөрчил илрүүлсэн. Торгууль төлөлтийн байдал өнгөрсөн оныхтой харьцуулахад буурсан байна. Ялангуяа олон торгуультай жолооч нар хөдөлгөөнд оролцсоор байна. Үүнтэй холбоотойгоор олон торгуультай тээврийн хэрэгслийг зогсоож, бичиг баримтыг хурааж торгууль төлүүлэх арга хэмжээ авч байна. Мөн төрийн үйлчилгээний байгууллагуудад олон торгуультай тээврийн хэрэгсэлд үзүүлэх үйлчилгээг зогсоогооч гэсэн шаардлага тавьж байгаа. Ялангуяа тээврийн хэрэгслээ оношлогоод оруулах, хаясан гээсэн, хугацаа дууссан жолооны үнэмлэхээ дахин авах бол торгуулиа төлөөд үйлчилгээ авахыг шаардаж буй юм.