Жил бүрийн тавдугаар сарын хоёр дахь долоо хоногийг татварын тухай мэдлэг, мэдээллээ сайжруулах өдрүүд болгон өнгөрүүлдэг.  

Энэ үеэр хүүхэд, залууст татварын боловсрол олгох, татвар төлөгч иргэд, ААН-үүдэд татварын хууль тогтоомжийн өөрчлөлт, шинэчлэлийг таниулах, татвар төлөгчдөдөө талархах, сурталчлах ажлууд хийдэг.  

Татварын багц хууль 2019 онд шинэчлэгдсэнтэй холбоотойгоор татварын албаны бүх үйл ажиллагаа 100 хувь цахимжжээ. Энэ удаагийн “Татвар төлөгчдийн өдрүүд”-ийг иргэд, хуулийн этгээдүүдэд цахим үйлчилгээг уриалах, танилцуулах, үйлчилгээ авах зааврыг хүргэхээр “Цахимаар үйлчлүүлье” уриатай тэмдэглэж байна.  
 
“Үйл ажиллагаа бүрэн цахимжсан, биеэр ирж, танил тал хайх хэрэггүй. Нэгэнт татварын тайланд алдаа байна гэдгийг систем заасаар байхад хүчээр засварласан бол засварлагч өөрөө (тухайн байгууллагын нягтлан) хуулийн хариуцлага хүлээнэ” хэмээн Татварын ерөнхий газрын дарга Б.Заяабал онцлов.  

Тус өдрүүдээр татварын ерөнхий газар болон бусад төрийн албад танхимын сургалт зохион байгуулах, сурагчид, оюутнуудад татварын боловсрол олгох хичээл заана.  

Цахимаар татварын үйлчилгээ авах холбоос:  

• Цахим тайлангийн систем: https://auth.itc.gov.mn/  
• Тайлан илгээх  
• Татвараа төлөх
• Хүсэлт илгээх, тодорхойлолт авах  
• Татвар төлөгчийн цахим систем: https://itax.mta.mn/  
• Татвар төлсөн баримт авах  
• Татварын мэдээлэл, зөвлөгөө: https://mta.gov.mn/  
• Мэдээ, мэдээлэл  
• Эрх зүйн баримт бичиг  
• Зөвлөгөө, сургалт  
• Цахим төлбөрийн баримтын систем: https://ebarimt.mn/
• Төлбөрийн баримт үүсгэх, бүртгэх  
• НӨАТ-ын урамшуулал, сугалааны мэдээлэл авах
• Мөн уламжлал ёсоор өнгөрөгч оны шилдэг татвар төлөгчдийг зарлаж алдаршуулав. 2022 оны тэргүүлэх татвар төлөгчдийн мэдээлэл унших бол энд дарна уу. https://gogo.mn/r/n27g2