БНХАУ-д коронавирусийн халдвар авсан хүн баасан гаргийн байдлаар 9692, нас барсан хүний тоо 213 боллоо. ДЭМБ-ын мэдээлснээр БНХАУ-аас гадна дэлхийн 21 улсад 100 орчим тохиолдол бүртгэгдсэн байна.

Вирусийн тархалт олон улс даяар хурдацтай дэгдэж буй тул ДЭМБ-аас олон улсын хэмжээнд онц байдал зарлаад буй билээ. Мөн халдвар авсан хүмүүсээс гадна 102'000 хүнд шинж тэмдэг илэрч эмчийн хяналтад байгаа аж.

Энэхүү нөхцөл байдалтай холбогдуулан Хойд Солонгос улс зарим бүс нутагтаа хорио цээр тогтоон бэлэн байдалд шилжсэн бол ОХУ Хятадтай хиллэдэг боомтуудаа хаасан юм. 

Одоогоор эх газрын Хятадаас гадна 21 оронд халдвар авсан тохиолдол илрээд байна.

1. Тайланд - 14
2. Япон - 11
3. Сингапур - 10
4. Хонконг - 10
5. Тайвань - 9
6. Австрали - 9
7. Малайз - 8
8. Макао - 7
9. АНУ- 6
10. Франц - 5
11. Өмнөд Солонгос - 4
12. АНЭУ - 4
13. Герман - 4
14. Канад - 3
15. Вьетнам - 2
16. Камбож - 1
17. Финланд - 1
18. Балба - 1
19. Филиппин - 1
20. Шри Ланка - 1
21. Энэтхэг - 1

Эх сурвалж: Aljazeera