Засгийн газар өнөөдөр ээлжит бус хуралдаан хийж, COVID-19 халдварын үед улс орны эдийн засаг, ард иргэдийн амьжиргааг дэмжих чиглэлээр 7 чухал шийдвэр гаргасныг танилцуулж байна. 

ШИЙДВЭРТ: 

1-рт, Дөрөвдүгээр сарын сарын 1-нээс эхлэн 10-р сарын 1-нийг хүртэл 6 сарын хугацаанд нийгмийн даатгалын шимтгэлээс ААН-үүдийг бүрэн чөлөөлж тэглэнэ. Бүх ААН, компаниудыг 26 хувийн татвараас чөлөөлнө.

2-рт, Дөрөвдүгээр сарын сарын 1-нээс эхлэн 10-р сарын 1-нийг хүртэл 6 сарын хугацаанд иргэдийн цалин хөлснөөс орлогын албан татвар АВАХГҮЙ байхаар бүрэн чөлөөллөө.

3-рт, Дөрөвдүгээр сарын сарын 1-нээс эхлэн 10-р сарын 1-нийг хүртэл 6 сарын хугацаанд 1.5 тэрбум төгрөгөөс доош орлоготой ААН-үүдийн үйл ажиллагаанаас орлогын албан татвар авахгүй, бүрэн чөлөөлнө.

4-рт, Коронавирусийн халдварын улмаас үйл ажиллагаа нь доголдож, орлого нь буурч байгаа боловч ажлын байрыг хадгалж буй хувийн хэвшлийн ажилтан бүрт сар бүр 200 мянган төгрөгийн дэмжлэг туслалцааг 3 сарын хугацаанд олгоно.

5-рт, Малчдын амжиргааг дэмжих зорилгоор малчдаас ноолуур худалдан авахад зориулан 3 хувийн хүүтэй 300 тэрбум төгрөгийн хөнгөлөлттэй зээлийг үйлдвэрлэгчдэд олгоно. Зээлийн зөрүүг Засгийн газар хариуцна.

6-рт, Бүх шатны боловсролын байгууллагын үйл ажиллагааг зогсоосонтой холбоотой 18 хүртэлх насны хүүхдэд сар бүр олгодог 20 мянган төгрөг дээр 10 мянган төгрөг нэмж, 3 сарын хугацаатай олгоно.

7-рт, Дэлхийн зах зээл дээр бензиний үнэ харьцангуй хямдарч байгаа тул 4-р сарын 15-наас шатахууны үнийг литр тутамд 300-400 төгрөгөөр буулгах ажлыг нэн яаралтай зохион байгуулахыг Газрын тосны газарт Засгийн газрын хуралдаанаар үүрэг болгож байна.