ОБЕГ-ын Санхүү  хангалт, хөрөнгө оруулалтын газрын дарга, дэд хурандаа Я.Гантөмөр Шуурхай штабын хурлын үеэр дараах мэдээллийг хүргэлээ.

“Онцгой байдлын газар, Шадар сайдын багцаас коронавирусийн эсрэг арга хэмжээнд зориулж 730,6 сая төгрөгийг энэ хугацаанд зарцуулсан. Мөн 2 тэрбум 530 сая төгрөг хандиваар цугларчээ. Үүнээс мөнгөн хэлбэрээр 2 тэрбум 235,8 сая төгрөг, бараа материал болон бусад эд зүйлсийн үнэ 294,5 сая төгрөг болжээ. 

Гуравдугаар сарын 16-19-ны өдрүүдэд Турк, БНСУ, Япон, Герман улсаас ирсэн 983 иргэнийг 10 эмнэлэг, сувилал, зочид буудалд байруулсан ба тэд 770 сая төгрөгийг тушаасан. Үүнээс тусгаарлах байрын найман байгууллагад 460,1 сая төгрөгөөг шилжүүлээд байна.  Үүнээс найман иргэний төлбөр дутуу байгаа, мөн өнөөдөр ирж буй зорчигчдийн зарим тодорхой шалтгааны улмаас төлөөгүй байгаа" гэлээ. 

Шадар сайдын тушаалаар 964,4 сая төгрөгийг дараах холбогдох байгууллагуудад шилжүүлжээ. 

• Улсын нэгдүгээр эмнэлэгт 240 сая төгрөг
• Мэргэжлийн хяналтын ерөнхий газарт 150 сая төгрөг
• Цагдаагийн ерөнхий газарт 100 сая төгрөг
• Хил хамгаалах ерөнхий газар 100 сая төгрөг
• Онцгой байдлын ерөнхий газарт 150 сая төгрөг
• УОК-ын шуурхай штабын үйл ажиллагаанд 139,4 сая төгрөг
• Цэргийн оёдлын үйлдвэр, хорих ангиудаас 85 мянган амны хаалт худалдан авч яам, агентлагуудад хувиарлан олгожээ.