• Тус тэмцээн гүйлт, усанд сэлэлт, дугуйн гэсэн гурван төрөлд зохиогддог
• Сэлэлтийн төрөлд 3.9, дугуйтай 180, марафон гүйлтээр 42.2 километрийн зайг туулжээ
• Тус тэмцээнийг дуусгасан анхны Монгол иргэд болов

Дэлхийн Триатлоны Холбооноос зохион байгуулдаг “Ironman” гурван төрөлт тэмцээнд Монгол залуус амжилттай оролцлоо.

Тодруулбал энэ сарын 20-ны өдөр Дани улсын Копенгаген хотноо “Ironman” олон улсын триатлоны тэмцээн зохиогдов. Тус тэмцээнд Монголыг төлөөлж АНУ-д докторантаар суралцагч Н.Дөлгөөннаран, Дани улсад ажилладаг Б.Сүбээдэй нар оролцсон бөгөөд тэмцээнээ дуусгасан анхны Монгол иргэд болов.

Тус тэмцээн нь нэг өдөрт усанд сэлэлт, гүйлт, дугуйн гэх гурван төрлөөр явагддаг бөгөөд энэ жил 2000 орчим тамирчин оролцсоноос 755, 1244-р байруудад тус тус оржээ. Оролцогчид сэлэлтийн төрөлд 3.9, дугуйтай 180, марафон гүйлтээр 42.2 километрийн зайг туулсан байна. 

“Ironman” тэмцээн нь анх 1978 онд Хавай аралд, зөвхөн гүйлтийн төрлөөр эхэлж байжээ. Өдгөө 45 дахь жилдээ зохиогдож байгаа тус тэмцээн дэлхийн 55 гаруй оронд зохиогдож байна.