Японы Ерөнхий сайд Шинзо Абэ болон түүний гэргийд Израилд хийсэн айлчлалынх нь үеэр төмрөн гутал дотор хийсэн амттан санал болгосон талаар The Jerusalem Post сонинд бичжээ. 

Тус дессертийг Израилийн Ерөнхий сайд Бенжамин Нетаньяхугийн хувийн тогооч Моше Сегев бэлтгэсэн аж.

Израилийн нэгэн дипломат энэ талаар, “Маш мэдрэмжгүй бөгөөд тэнэг сонголт. Японы соёлд гутал шиг муухай зүйл байхгүй. Япончууд гэртээ бүү хэл ажил дээрээ ч гутлаа тайлдаг. Японы Ерөнхий сайд ч засгийн газрын гишүүд ч албан тасалгаанд гутал өмсдөггүй. Энэ нь еврей зочдодоо гахай шиг хэлбэртэй тавганд чихэр хийж өгсөнтэй ялгаагүй.” хэмээн дургүйцлээ илэрхийлжээ. 

Японы Гадаад хэргийн яамны ажилтан түүнтэй санал нэг байгаагаа илэрхийлэн, “Дэлхийн аль ч орны соёлд гутлаа ширээн дээр тавьдаггүй. Тогооч Моше Сегев юу бодож байсан юм бол оо. Үүнийг хөгжилтэй гэж бодож байвал тийм биш. Биднийг доромжиллоо” гэжээ.

Эх сурвалж: Lenta.ru