Нийслэлийн Чингэлтэй дүүрэгт орших "Баянбүрд"-ийн усан санд байрлах 00-ийн өрөөнөөс мөнгөн ус илэрсэн. Өнгөрсөн долоо хоногт НОБГ, УМХГ болон холбогдох байгууллагууд хамтран бохир усны шугамаас нь дээж авсан билээ.

Энэ талаар НОБГ-ын дэд дарга, дээд ахмад Ч.Намсрайжаваас тодруулахад,

-Баянбүрдийн 204 тоотод орших 00-ийн өрөөнөөс мөнгөн ус илэрсэнтэй холбогдуулан мэргэжлийн байгууллагуудтай хамтран бохир усны сувгаас нь анхан шатны дээж авч шинжилгээнд өгсөн. Шинжилгээний хариу 00-ийн өрөөний бохир усны сувагт зөвшөөрөгдөх хэмжээнээс гурав дахин илүү мөнгөн ус агуулагдаж байна гэсэн дүн гарсан. Тус газрын бохир усны сувагт мөнгөн усыг саармагжуулах ажил явуулж дуусаад дахин дээж авч шинжилгээнд өгсөн. Сүүлийн шинжилгээний хариу өнөөдөр гарна.

Н.Үнэнбат