Жүдо бөхийн 2019 оны насанд хүрэгчдийн ДАШТ өнөөдөр Японы нийслэл Токио хотод эхэллээ.
Эхний өдөр манай тамирчдаас 2013 оны ДАШТ-ий алт, 2017 оны ДАШТ-ий мөнгөн медальт Монгол улсын Гавьяат тамирчин Мөнхбатын Уранцэцэг эмэгтэйчүүдийн 48кг-ийн жинд ХҮРЭЛ медаль хүртлээ.
Энэ жинд нийт 45 бөх хүч үзсэн бөгөөд М.Уранцэцэг эхний тойрогт гоц мөргөж, 2-р тойрогт Тайванийн бөхийг 1 минут, 25 секундэд, 3-р тойрогт Румыны бөхийг 53 секундэд цэвэр, хэсгийн аваргын төлөө 2018 оны ДАШТ-ий хүрэл медальт Казахстаны бөх Г.Отгонцэцэгийг 1 минут, 4 секундэд цэвэр ялснаар хагас шигшээд шалгарчээ.
Хагас шигшээд өнгөрсөн оны дэлхийн аварга, Украины залуу бөх Дарья Билодид манай тамирчныг даралтаар цэвэр ялснаар М.Уранцэцэг хүрэл медалийн төлөө барилдахаар болсон юм. 29 настай М.Уранцэцэг медалийн төлөөх барилдаанд Францын Мелани Клеменийг даралтаар цэвэр ялснаар ДАШТ-ээс 3 дахь медалиа хүртлээ.
Тэрбээр жүдо бөхийн ДАШТ-ээс алт, мөнгө, хүрэл медаль хүртсэн Монголын анхны тамирчин болж байна. Энэ жинд Украины Дарья Белодед хоёр дахь жилдээ дараалан дэлхийн аварга болж, Японы Фүна Тонаки мөнгөн медаль хүртжээ. Харин үлдсэн хүрэл медалийг Косовогийн Дистриа Красники энгэртээ зүүсэн байна.
А.Одбаяр
Жүдо бөхийн 2019 оны насанд хүрэгчдийн ДАШТ өнөөдөр Японы нийслэл Токио хотод эхэллээ.
Эхний өдөр манай тамирчдаас 2013 оны ДАШТ-ий алт, 2017 оны ДАШТ-ий мөнгөн медальт Монгол улсын Гавьяат тамирчин Мөнхбатын Уранцэцэг эмэгтэйчүүдийн 48кг-ийн жинд ХҮРЭЛ медаль хүртлээ.
Энэ жинд нийт 45 бөх хүч үзсэн бөгөөд М.Уранцэцэг эхний тойрогт гоц мөргөж, 2-р тойрогт Тайванийн бөхийг 1 минут, 25 секундэд, 3-р тойрогт Румыны бөхийг 53 секундэд цэвэр, хэсгийн аваргын төлөө 2018 оны ДАШТ-ий хүрэл медальт Казахстаны бөх Г.Отгонцэцэгийг 1 минут, 4 секундэд цэвэр ялснаар хагас шигшээд шалгарчээ.
Хагас шигшээд өнгөрсөн оны дэлхийн аварга, Украины залуу бөх Дарья Билодид манай тамирчныг даралтаар цэвэр ялснаар М.Уранцэцэг хүрэл медалийн төлөө барилдахаар болсон юм. 29 настай М.Уранцэцэг медалийн төлөөх барилдаанд Францын Мелани Клеменийг даралтаар цэвэр ялснаар ДАШТ-ээс 3 дахь медалиа хүртлээ.
Тэрбээр жүдо бөхийн ДАШТ-ээс алт, мөнгө, хүрэл медаль хүртсэн Монголын анхны тамирчин болж байна. Энэ жинд Украины Дарья Белодед хоёр дахь жилдээ дараалан дэлхийн аварга болж, Японы Фүна Тонаки мөнгөн медаль хүртжээ. Харин үлдсэн хүрэл медалийг Косовогийн Дистриа Красники энгэртээ зүүсэн байна.
А.Одбаяр