Авьяаслаг Австраличууд шоу өнгөрсөн долоон хоногт эхэлсэн билээ. Тус шоунд манай улсын оролцогч Б.Баттулга үзүүлбэрээ амжилттай толилуулж дараагийн шатанд шалгарлаа.
Тэрээр Лас Вегас хотод үйл ажиллагаа явуулдаг “Механик цирк” компанид циркчинээр ажилладаг бөгөөд энэ удаагийн үзүүлбэртээ галтай гуалин мод нуруун дээрээ эргүүлж, мөн гуалин модноос дүүжилсэн савлуурт шүүгч болон хөтлөгчийг суулган эргүүлж олныг алмайруулжээ.
Түүний үзүүлбэрийг үзэж сонирхсон тус шоуны шүүгч, дуучин Николь Николь Шерзингер “Би өөрийгөө байж болох бүхий л гайхалтай үзүүлбэрийг үзсэн гэж боддог байлаа. Гэтэл үгүй байж. Энэ бол миний анх удаа харсан хүн дээрх “морин тойруулга” байлаа. Чамд өгөх анхны “Тийм” гэсэн саналыг би эргэлзэх зүйлгүй өгье” хэмээсэн юм.
Б.Баттулга бүх шүүгчийн 100 хувийн саналаар дараагийн шатанд шалгарлаа.