Өчигдөр (7-р сарын 17) Дэлхийн эможины өдөр болж өнгөрлөө. Уг өдрийг тохиолдуулан Apple болон Google компаниуд энэ сардаа багтааж iOS, Андройд үйлдлийн системүүд дээр 60 гаруй шинэ эможийг нэмэхээр болжээ.
Тун удахгүй нэмэгдэх уг эможинууд дотор сонсголын бэрхшээлтэй, тэргэнцэртэй хүн зэрэг дүрүүд агуулагдаад зогсохгүй Энэтхэг үндэсний хувцас ч мөн багтжээ. Түүнчлэн тэд шинэ эможинуудаараа дамжуулан ижил хүйстэн хосуудын асуудлыг чухалчилж үздэгээ харуулж байгаа бөгөөд хэрэглэгч арьсны өнгө, хүйс хамааралгүй өөрийн хүссэн хүнтэйгээ хөтлөлцсөн эможийг ашиглах боломжтой болох юм.
Уг хоёр компанийн хувьд хоёулаа олон нийтэд хүртээмжтэй байх эможинууд дээр төвлөрч ажиллаж байгаа бөгөөд Apple компани өнгөрсөн оны 3-р сард хөгжлийн бэрхшээлтэй хүмүүс болон гэрийн тэжээвэр амьтдад зориулсан эможинуудыг хийхээр төлөвлөж, энэ оны 2-р сард Юникод консорциумаас ашиглах зөвшөөрлөө авсан байна.
Шинээр нэмэгдэж буй эможинуудыг Emojipedia сайтаас харах боломжтой.
Эх сурвалж: TechCrunch