Их Британийн парламентын 70 гаруй гишүүд хэрэв Швед улс Жулиан Ассанжийг шилжүүлэн авах хүсэлт гаргавал тийш шилжүүлэн өгөхийг уриалсан байна. Энэ талаарх захидлыг Хөдөлмөрийн намын Стелла Кризи Их Британийн Дотоод хэргийн сайд Сажид Жавидад илгээжээ.
Түүнчлэн Хөдөлмөрийн намын удирдагч Жереми Корбин хэлэхдээ “Их Британийн засгийн газар Ассанжийг АНУ-д шилжүүлэн өгөх хэрэггүй” хэмээсэн юм.
“WikiLeaks” цахим хуудсыг үүсгэн байгуулагч Жулиан Ассанжийг өнгөрсөн долоо хоногт Лондон дахь Эквадорын ЭСЯ-нд баривчилсан. Учир нь Эквадор улсын эрх баригчид түүнийг удаа дараа олон улсын хууль дүрэм зөрчсөн гэж үзэн үргэлжлүүлэн байлгахаас татгалзсан аж.
Швед улс 2012 онд Жулиан Ассанжид хүчингийн хэргээр эрүү үүсгэсний дараагаар тэр Лондон хот дахь Эквадор улсын ЭСЯ-нд долоон жил орогносон. Швед улс одоогоор түүний үйлдсэн гэх хүчингийн хэргийг дахин шалгах эсэхийг хэлэлцэж байна.
47 настай, програм зохиогч Жулиан Ассанж нь 2006 онд АНУ болон хэд хэдэн улсын Засгийн газрын үйл ажиллагааны талаарх нууц мэдээллүүдийг олон нийтэд дэлгэсэн “WikiLeaks” цахим хуудсыг үүсгэн байгуулсан. Хэрэв түүнийг АНУ-ын талд шилжүүлэн өгвөл 35 жил хорих эсвэл цаазаар авах ял оноох магадлалтай гэж Ассанжийн өмгөөлөгч болгоомжилж байна. Харин АНУ-ын Хууль зүйн яамны мэдээлснээр түүнд таван жилийн хорих ял оноож магадгүй байгаа аж.
Эх сурвалж: BBC
Их Британийн парламентын 70 гаруй гишүүд хэрэв Швед улс Жулиан Ассанжийг шилжүүлэн авах хүсэлт гаргавал тийш шилжүүлэн өгөхийг уриалсан байна. Энэ талаарх захидлыг Хөдөлмөрийн намын Стелла Кризи Их Британийн Дотоод хэргийн сайд Сажид Жавидад илгээжээ.
Түүнчлэн Хөдөлмөрийн намын удирдагч Жереми Корбин хэлэхдээ “Их Британийн засгийн газар Ассанжийг АНУ-д шилжүүлэн өгөх хэрэггүй” хэмээсэн юм.
“WikiLeaks” цахим хуудсыг үүсгэн байгуулагч Жулиан Ассанжийг өнгөрсөн долоо хоногт Лондон дахь Эквадорын ЭСЯ-нд баривчилсан. Учир нь Эквадор улсын эрх баригчид түүнийг удаа дараа олон улсын хууль дүрэм зөрчсөн гэж үзэн үргэлжлүүлэн байлгахаас татгалзсан аж.
Швед улс 2012 онд Жулиан Ассанжид хүчингийн хэргээр эрүү үүсгэсний дараагаар тэр Лондон хот дахь Эквадор улсын ЭСЯ-нд долоон жил орогносон. Швед улс одоогоор түүний үйлдсэн гэх хүчингийн хэргийг дахин шалгах эсэхийг хэлэлцэж байна.
47 настай, програм зохиогч Жулиан Ассанж нь 2006 онд АНУ болон хэд хэдэн улсын Засгийн газрын үйл ажиллагааны талаарх нууц мэдээллүүдийг олон нийтэд дэлгэсэн “WikiLeaks” цахим хуудсыг үүсгэн байгуулсан. Хэрэв түүнийг АНУ-ын талд шилжүүлэн өгвөл 35 жил хорих эсвэл цаазаар авах ял оноох магадлалтай гэж Ассанжийн өмгөөлөгч болгоомжилж байна. Харин АНУ-ын Хууль зүйн яамны мэдээлснээр түүнд таван жилийн хорих ял оноож магадгүй байгаа аж.
Эх сурвалж: BBC