Эрдэнэс Тавантолгой ХК-иас 2018 оны хагас жилийн үйл ажиллагааныхаа тайланг тавьж байна. Тус  компани 2010 онд байгуулагдсан. Энэ хугацаанд эдийн засгийн хямрал, нүүрсний үнийн уналт зэрэг хүндрэлүүдтэй нүүр тулж ажилчдынхаа цалинг тавьж чадахгүйд ч хүрч байлаа. Тэгвэл өнөөдөр тэр бүх хүндрэлүүдийг давсан. Өнөөдөр бидэнд санхүүгийн маш том боломжууд байна. Монгол Улс  гурван сая иргэнийг төлөөлж байгаа энэ компани үүргээ маш сайн биелүүлж байгааг дараах тоон үзүүлэлтээр тайлбарлав.

ЭРДЭНЭС ТАВАНТОЛГОЙ ХК ХАГАС ЖИЛД 373.3 ТЭРБУМ ТӨГРӨГИЙН ЦЭВЭР АШИГТАЙ АЖИЛЛАЛАА

Тус компанийн гүйцэтгэх захирал Б.Ганхуяг, Бид 2018 оны эхний хагаст 953 тэрбум төгрөгийн борлуулалтын орлоготой ажиллалаа. Жилийн төлөвлөгөөнийхөө 78 хувийг хагас жилд гүйцэтгэлээ. 2018 онд 285.4 тэрбум төгрөгийг Улсын төсөвт төлөх үүрэг хүлээсэн ч өнөөдөр Улсын төсөвт 216 тэрбум 509 сая төгрөгийг төсөвт төвлөрүүлээд байна. 

2017 онд бид 235 тэрбум 547 сая төгрөг төвлөрүүлсэн. Компани хагас жилд 737 тэрбум төгрөгийн цэвэр ашигтай ажилласан. Яагаад цэвэр ашгийг тодотгож байна гэхээр компанийн улсад өгөх өгөөж огцом нэмэгдэж байна. Нэмэгдэх тусам өөрийн шууд хамааралтай төслийг санхүүжүүлэх чадавхтай боллоо. Мөн 1072 хувьцааг амилуулах эдийн засгийн суурь нөхцөлийг бүрдүүлж чадлаа. Ингэснээр компани дэлхийн хэмжээнд чадавхтай болох нь харагдана. 

Энэ бүх орлого, ашиг нүүрсний үнэ дээр тогтож байгаа. 

Монгол Улсын 2 сая 511 мянган иргэн "Эрдэнэс Тавантолгой" компанийн 1072 хувьцаа эзэмших эрхтэй. Үүнээс 600 мянга гаруй иргэн хувьцаа эзэмших эрхээ баталгаажуулаагүй байна. Иймд өнөөдрөөс эхлэн улсын хэмжээнд иргэдийн хувьцаа эзэмших эрхийг баталгаажуулах  ажлыг эрчимжүүлж байгаа албан ёсоор мэдэгдэж байна. 

Манай уурхайчид найман жилийн хугацаанд 40 сая дахь тонн нүүрсээ сая долоодугаар сарын 2-нд олборлосон. Технологийн горимууд, аюулгүй ажиллагааг ханган ажиллаж байгаа нийт уурхайчдадаа талархсанаа илэрхийлж байна. 

-Танай компанийн уурхайчдын дундаж цалин хэд вэ? 
-Компанийн ажилчдын дундаж цалин олон жил нэмэгдээгүй байсан. 2018 оны хагас жилд хоёр удаа ажилчдын үндсэн цалинг 21 хувиар нэмсэн. Шөнийн нэмэгдлийг тав дахин өсгөсөн. Ажилчдын дэмжлэгийн сан буюу шинээр гэр бүл болсон, хүүхэдтэй болсон хүмүүст дэмжлэг үзүүлдэг сангийн хөрөнгийг хоёр дахин өсгөсөн. Ажилчдын нийгмийн асуудал, амьдрах орчныг хангах нь бидний амжилттай ажиллах үндэс суурь болох тул энэ тал дээр цаашид ч анхаарч ажиллана.