Ерөнхий сайд Ж.Эрдэнэбат энэ сарын 22-ноос эхлэн баруун аймгуудад ажиллана. Гүйцэтгэх засаглалын тэргүүн ажлаа Баян-Өлгий аймгаас эхлэх бөгөөд казах түмэндээ баяр хүргэж Наурызын баярыг нь хамтдаа угтана.

Үргэлжлүүлэн энэ сарын 25-ныг хүртэл Ховд, Говь-Алтай, Өвөрхангай, Баянхонгор аймагт ажиллаж, Засгийн газрын бодлогыг ард иргэдэд танилцуулж, иргэдийн сонирхсон асуултад хариулт өгөх юм.

Мөн орон нутгийн нөхцөл байдал, зарим байгууллагын үйл ажиллагаатай танилцахаар төлөвлөжээ.