Хятадын засгийн газар коронавирусийн халдвар авсан хүмүүст яаралтай тусламж үзүүлэх, болзошгүй эрсдэлээс хамгаалах зорилгоор Хубэй мужид 2, Хэнань мужид 1 шинэ эмнэлэг барих ажлыг эхлүүлээд байна. Мөн энэ оны тавдугаар сард нээхээр төлөвлөж байсан Ухань хотын ойролцоох эмнэлгийг хоёр хоногийн дотор тохижуулж, ашиглалтад оруулах чиглэл өгчээ.

Өнөөдөр өглөөний байдлаар коронавирусийн халдвар авсан хүмүүсийн тоо 4000 давж, нас барагсдын тоо 106 болж нэмэгдсэн. Ухань хотын эмнэлгүүд энгийн үетэйгээ харьцуулахад 5 дахин их ачаалалтай ажиллаж байгаа тул засгийн газар даруй арга хэмжээ авахыг албаны хүмүүст үүрэг болгосон аж.

Халдварын голомт болох Ухань хотын баруун хэсэгт өнгөрсөн долоо хоногийн баасан гарагт /2020.01.24/ 1,000 ортой эмнэлэг барих ажлыг эхлүүлсэн. Үйл ажиллагааг нь хоёрдугаар сарын 3-ны өдөр нээхээр төлөвлөж байна. Хоёр дахь эмнэлэг болох Лэйшеншань нь хоёрдугаар сарын 5-нд нээгдэх бөгөөд 1,300 ортой байх юм. Барилгын компаниуд эмнэлгүүдийг заасан хугацаанд ашиглалтад оруулахын тулд 24 цагийн турш тасралтгүй ажиллаж байна. 

Ухань хотод баригдаж буй 1,000 ортой эмнэлгийн бичлэг: 

Эх сурвалж: Dailymailco.uk