Энэ долоо хоногийн эхээр од гарагийн таагүй байрлал нь таны бүтэлгүйтэл, азгүйдэлтэй нүүр тулгарах шалтгаан болж магадгүй. Мөн худалдаа наймааны үйл ажиллагаанд сөргөөр нөлөөлж хүсэн хүлээсэн ашиг орлогыг тань авчрахгүй. Хүнийг өөрийн бодлоор өнгөц дүгнэдэг, ялгаварлан харьцдаг зангаасаа болж зарим нэг нь бусдын дунд нэр хүндээ унагахад хүрнэ. Танд бүхий л цаг үед зөв шийдвэр гаргахад тань хамгийн их нөлөөлдөг хүнээ баярлуулж, талархлын үгээ харамгүй хайрла. Хэн нэгэнд сэтгэл татам, урам зориг нэмэх сайхан үгийг хэл. Долоо хоногийн дундуур сэтгэл догдлуулсан баярт мөч таныг хүлээж байна. Хувийн амьдралд тань аз хийморь дагалдах болно. Арслангийн ордны хүмүүсийн хувьд хөдөлмөрийн бүтээмж өндөртэй, ажил төрлийн идэвх сайтай, гэнэт тулгарсан асуудлыг хурдан шуурхай шийдэх чадвар сайжирна. Харин товлосон уулзалт тань цуцлагдаж, танд таагүй уур амьсгалыг авчрах болно. Долоо хоногийн сүүлээр таны санал санаачилга дарга удирдлагын анхааралд сайхан нийцэж, ажил хэрэг болох шатандаа яригдана. Та өөрийн бодол санаагаа хамтрагчдаа хүчээр тулгаснаар зөрчилдөөнд хүрч болзошгүй тул анхааралтай байхыг зөвлөж байна. Бүсгүйчүүдийн нуугдмал сайхан зан чанар нь ил гарч олны хүрээлэлд орж чадна. Эрчүүдийн хувьд зорьсон зорилгодоо хүрэх боломж тийм ч их биш байна. Ажил албан тушаалаасаа илүү ихийг найдах хэрэггүй.
Долоо хоногийн эхээр муу хэлэх, хууран мэхлэх ажиллагаанд оролцохгүй байхыг зөвлөж байна. Хайр дурлалын харилцаа танаас ихээхэн цаг хугацаа зарцуулахыг шаардаж байна. Бусдын ярианд бүү оролц ялангуяа хэрүүл маргаанаас хол яв. Түвшин амгалан, даруу төлөв байхыг эрхэмлэ. Сэтгэлийн хэт хөөрлөө аль болох дарахыг анхааруулж байна. Гаднаас ирэх сөрөг нөлөөг өөрийн хүч ухаанаар зайлуулж чадах хүч эрчүүдэд өнөөдөр илүү их байна. Найз нөхдүүдтэйгээ болгоомжтой үг хэлээ мэдэж харьц. Үгүй бол тэднийг гомдоож болзошгүй. Долоо хоногийн дундуур хувийн амьдралд тань тодорхой өөрчлөлт гарах магадлалтай байна. Бичиг баримт, албан хэргийн материалтай анхааралтай ажиллаарай. Найз нөхдийн холбоо сэргэнэ, таны байдал аливаа зүйлийг ёс журамд нь оруулахыг хичээх бөгөөд зарим нэг сэтгэл хөдлөлтэй харилцаа бий болгоно. Харин долоо хоногийн сүүлээр бүсгүйчүүдийг худалдаа наймаа болон бизнесийн салбарт томоос том амжилт хүлээж байна. Хайр дурлалын хувьд таатай бус байна гэж од гарагс танд зөвлөж байна. Эрүүл ухааныг тань сэтгэл хөдлөл чинь давамгайлж байна. Бүх төрлийн ажил тань амжилттай байна.
Энэ долоо хоногийн эхээр загаснууд ямар нэгэн шинэ ажлыг эхлүүлэх, төлөвлөгөө зохиох, хуучин ажилтай холбоотой бичиг баримтыг цэгцлэхэд бүхий л анхаарлаа хандуулаарай. Ганц бие хүмүүсийн хувьд шинэ хүнтэй танилцваас удаан хугацаанд үргэлжлэх нөхөрлөл болон хувирах нигууртай. Амьдралын хэвшсэн хэв маягтаа ямар нэг өөрчлөлт хийхийг хүснэ. Ашиг орлого олж болох шинэ санаануудаа жагсаан бичиж, нэн түрүүнд хэрэгжүүлэх ажлаа тодорхойл. Харин долоо хоногийн дундуур худалдаа наймаа хийдэг хүмүүс оддын ивээлийг хүртэж тэдний амжилт нь бусдын нүдэн дээр дэвжин дээшилнэ. Тэдний хязгааргүй сэтгэх чадвар, сүйхээтэй сэргэлэн зан нь олон амжилтыг авчрах болно. Магтаал сайшаал хүлээх, албан тушаал, зэрэг цол горилогчдод тийм ч амжилттай биш байна. Долоо хоногийн сүүлчээр зарим төлөвлөсөн ажил тань талаар болж таны урам хугарна. Хэрэв та үзэл бодолдоо тогтвортой байж чадвал ирээдүйн төлөвлөгөөгөө зоригтой хийж чадна. Ямар нэгэн аялал, томилолт төлөвлөх хэрэггүй. Бүтээлч сэтгэлгээгээ хөгжүүлэх, илүү ихийг танин мэдэхэд бүхий л сэтгэлээ зориулж, өөрийн зөвлөх туршлагатай хүнийг эрэлхийлнэ. Оюун санаагаа тэнцвэртэй байлгаж стресс бухимдалд орохгүй байхыг зөвлөж байна.
Долоо хоногийн эхээр шалгалт, эсвэл ямар нэгэн зүйлийн хариу авахаар хүлээж байгаа бол үр дүн нь эерэг байх бөгөөд таны мөрөөдөл биелэх хором ойртсон байна. Цаашдын бүх амжилт таны шантаршгүй байдал, тэвчээртэй зангаас тань ихээхэн шалтгаалах болно. Эрүүл мэндийн байдалдаа анхаарал тавин, зөв хооллолтын дэглэм сахиж, амралт нойроо сайтар зохицуулаарай. Эрчүүдийн хувьд мэдрэлийн хэт ачаалал нь сэтгэлийн хямрал болон өвчний эх үүсвэр болох бололтой. Ямар нэг ач холбогдол багатай ялихгүй зүйлээс болж удирдлага эсвэл хамтрагч нартайгаа үл ойлголцолд хүрнэ. Долоо хоногийн дундуур нийгмийн бухимдлыг өөртөө гүн гүнзгий тусгаж авах гэсний хэрэггүй. Танд тэртээ тэргүй асуудал мундахгүй их байгаа тул зарим нэг таагүй зүйлээс өөрийгөө чөлөөл. Нийгэм дэх байр сууриа олны дунд сэвтээхгүйн тулд чухал уулзалт бүү төлөвлө. Ажил идэвхтэй хайж байгаа хүмүүс тодорхой хариу хүлээж авна. Олон хүмүүст ажлын боломж нөхцөл нь таалагдахгүй байж мэднэ. Худал хуурмаг, үл ойлголцол, санал зөрөлдөөн, осол гэмтэлд өртөж болзошгүй. Долоо хоногийн сүүлчээр олон хүмүүс таны авьяасыг өөртөө ашигтайгаар ашиглахыг хичээх болно. Та эргэн тойронд болж буй өөрчлөлтүүдэд маш их анхаарал хандуулахыг зөвлөж байна. Ажил мэргэжлийн хүрээнд болон ар гэрт гачигдал бэрхшээл тулгарч мэдэх юм. Аливаа осол бэртлээс өөрийгөө үргэлж сэрэмжил.
Долоо хоногийн эхээр албаны ажил хувийн асуудлаас тэргүүнд тавигдах зайлшгүй шаардлага тулгарна. Хамт олны уур амьсгал таагүй байх бөгөөд тэдэнтэй шууд нүүр тулан ярилцахад ч бэрх байж магадгүй. Бүх нөхцөлд уужуу тайван байдлаар хандахыг зөвлөж байна. Амьдралаа зөв дардан авч явахын тулд сайн төлөвлө. Холбоо харилцаагаа сэргээж бизнесийн болон алба ажлынхаа зорилго зорилтыг тэргүүнд тавин ажилла. Ингэж чадвал таны санасан бүхэн тань бүтэх магадлалтай. Долоо хоногийн дундуур бүхий л санхүү, мөнгөтэй холбоотой ажлууд худалдаа наймааны ажил, хөрөнгө оруулалттай холбоотой ажлуудад нэн таатай байна. Тооцоо санхүүтэй холбоотой ажилд туйлын болгоомжтой, хянуур хандахыг зөвлөж байна. Санхүүгийн хувьд амжилт хэд хэдэн зүйлээс шалтгаална. Хүрээлэн буй орчинтойгоо танилцах, ойрд үзэж хараагүй зүйлээ үзэж сонирхох, гэр бүл хүүхдүүдтэйгээ хамт багахан хэмжээний адал явдалт аяллыг хийнэ. Хайр дурлалын хувьд амжилттай, сэтгэл санаа тайван байна. Гэр бүлд тулгарсан асуудлуудаа амжилттай гүйцэтгэж чадна. Харин долоо хоногийн сүүлээр эд хөрөнгөтэй холбоотой асуудалд ямар нэгэн үл ойлголцол, таагүй зүйл тохиолдож болзошгүй. Хийхээр төлөвлөсөн олон ажил байсан ч түүнийгээ хойшлуулж эрүүл мэнддээ анхаар. Шинэ харилцаа тогтоохыг хичээ, ялангуяа гадаадын боловсрол, мэдлэгтэй хүмүүстэй танилцах нь танд ихээхэн эерэг нөлөө үзүүлнэ.
Долоо хоногийн эхээр дураараа аашилж, бодлогогүй загнасныхаа үр шимийг хүртэж магадгүй бөгөөд таны гаргасан алдаанд олон хүн өртөж магадгүй. Өөрийн эрх чөлөө, давуу байдлаа хэтрүүлэн хэрэглэх гэсний хэрэггүй. Та юу хийхээ мэдэхгүй байгаагаасаа болж үзмэрч, зөнч дээр очно. Сэтгэл догдлуулсан ямар нэгэн мэдээ дуулж, тэр эрч хүчээрээ ямар ч ажлын ард гарахад бэлэн байна. Бие эрхтэн бэртэж болзошгүй эрсдэлтэй ажлаас холуур байсан нь дээр. Долоо хоногийн дундуур танд том жижиг олон асуудал тулгарахаас гадна найз нөхөд тань гомдоллож магадгүй. Ажил хэрэгч хүмүүсийн хувьд санхүүгийн асуудлаа нэг тийш шийдвэрлэнэ. Ажил төрөлтэй холбоотой зарим нэг уулзалтууд амжилттай өндөрлөнө. Ойр дотнын хүмүүсийн шүүмжлэлтэй сануулгад тийм ч их эмзэглэхгүй байхыг хичээх хэрэгтэй. Хүссэн хүсээгүй таны бодсоноор бүх зүйл болж чадахгүй тул хүчээр болгох гэж зүтгэх нь таныг хий хоосон ядраахаас цаашгүйг санаарай. Харин долоо хоногийн сүүлээр урдаас төлөвлөгдөөгүй томоохон зардал гарах магадлалтай. Шинэ уулзалт, хурал цуглаан болон зарим нэг таатай боломжуудаар дүүрэн байх болно. Уран бүтээл туурвидаг хувийн бизнестэй хүмүүсийн хувьд ямар ч ажил нь амжилттай бүтэх болно. Эд хөрөнгө, мөнгө санхүүгийн холбоотой зарим асуудлууд урган гарах ч удаан үргэлжлэхгүй, амархан шийдвэрлэгдэнэ. Харин та өөрт учирсан жижиг сажиг асуудалдаа онцгой анхаарал хандуулаарай.
Долоо хоногийн эхээр ажил дээр түншлэгч байгууллагаас дарамт шахалт ирж, гүтгэлэг, азгүйдэл угтана. Нөхцөл байдал таны бодсоноос хэт өөрөөр эргэж болзошгүй. Таны өөртөө итгэлтэй, тэвчээртэй, ухаалаг алхмаас тань цаашдын амжилт ололт тань хамаарах болно. Таны зорилгодоо хүрэх тэмүүлэл, тэсвэр тэвчээр, чин сэтгэлийг тань хувь заяа тань дахин сорих болно. Эрчүүдийн хувьд ажлын ачаалал ихтэй байх бөгөөд ганцаарчилж хийхээс илүүтэй хамтарч хийсэн ажил илүү үр дүнтэй, ахицтай байх болно. Долоо хоногийн дундуур сэдсэн ажлууд тань ихэвчлэн амжилттай байна. Харин бүсгүйчүүдийн хувьд товлосон хугацаандаа ажлаа дуусгаж чадахгүй нэлээд бачимдаж, тулгамдаж магадгүй. Хугацаа хоцорсон ч ажлын үр дүн сайн байх болно. Орлого олох шинэ санаа олж түүнийгээ биелүүлэхийн төлөө хамаг ухаанаа уралдуулна. Яарч сандарч бэртэл гэмтэл авах магадлалтай тул болгоомжил. Харин долоо хоногийн сүүлээр танаас үл хамаарах шалтгаанаар бодож боловсруулсан төлөвлөгөө тань нурж магадгүй. Аз туршсан зүйл, аливаа эрсдэлтэй туршилт хийхээс зайлсхий. Хувийн амьдралд тодорхой хэмжээний өөрчлөлт ирнэ гэдгийг одод хэлж байна. Гадна дотнын олон улс цугласан газар уригдан очих, эсвэл ямар нэгэн байдлаар тэнд хэн нэгэнтэй уулзах завшаан тохиож магадгүй энэ нь танд ихээхэн боломжийг нээж өгч мэднэ.
Долоо хоногийн эхээр танд ирсэн мэдээ таны ажил амьдралд эргэлт хийж болохуйц мэдээ байх бөгөөд та ойр дотнын хүний зөвлөмж, дэмжлэгийг авахыг хүснэ. Таны сонгосон амьдрал сэтгэлдээ төсөөлж байснаас өөр байгаад сэтгэлээр унаж, гутарч магадгүй ч эхлэл төдийд бууж өгөх хэрэггүй. Олон нөхцөл байдлыг бодолцон үзэж эв зүйтэй, амьдралаа үргэлжлүүлэхийг зөвлөж байна. Ажлын ачаалал их байх тул сэтгэл санаагаа тайван байлга. Зарим бодлогогүй алхам санхүүгийн алдагдалд оруулж магадгүй гэж од эрхэс сэрэмжлүүлж байна. Долоо хоногийн дундуур бүсгүйчүүд өөрийн сэтгэл зүйгээ бүх зүйлд бэлтгэн даван гарч чадвал эргээд бусад саадыг ч амжилттай даван туулна. Эрчүүдийн сэтгэлийг баясгах, толгойг нь эргэмээр сайхан санал тавьж магадгүй. Гэвч үр дүн нь ч эргэлзээтэй байх учраас сайтар тунгаан бодох хэрэгтэй. Дотнын хүндээ боломжийг нээж өгч, итгэлийг нь олж авна. Зарим хүмүүс хайр дурлалтай учирч, зарим нь сэтгэл гутралаас болж бор дарсанд толгойгоо мэдүүлнэ. Та эрүүл мэнддээ онцгой анхаараарай. Долоо хоногийн сүүлээр ойр дотнынхоо хүмүүстэй үл ойлголцох байдал гарна. Хэтэрхий шулуун шударга зангаас болж ажил хэрэгт саад учирч магадгүй. Хосуудын хоорондын харилцаа эвтэй байж, харилцан буулт хийх, итгэлцэл давамгайлна. Гэр бүлдээ тавих анхаарлаа сулруулж болохгүй.
Долоо хоногийн эхээр таны шийдэмгий зан чанар тань төлөвлөсөн үйл хэргээ амжилттай бүтээхэд ихээхэн түлхэц болно. Худалдаа наймаа, мөнгө төгрөгтэй холбоотой ажлууд санааны зоргоор бүтэмжтэй байна. Таны дэргэд нөлөө бүхий нэгэн хүн гарч ирнэ. Ямар нэгэн хэлэлцүүлэгт оролцох, цайллага дайллагад явах, чухал асуудал шийдвэрлэх зэрэгт хэт догдлолоор асуудлыг шийдэх хэрэггүй. Ихэнх хүмүүс цаашдын амьдралд ихээхэн нөлөөлөх сонголт хийх шаардлагатай болно. Зарим дотнын хүмүүс тань хөндий хүйтэн мэт мэдрэмж төрүүлнэ. Долоо хоногийн дундуур шинэ хүсэл тэмүүлэл төрж магадгүй. Шууд шийдвэр гаргах гэсний хэрэггүй бүх сайн муу зүйлсийг эргэцүүл. Аав ээж, ахан дүүстэй тус хүргэх аян зохион байгуулж амжилттай хэрэгжүүлнэ. Гэр бүл, хайр энхрийллээр дүүрэн байх болно. Таны эрч хүч энерги эерэг хандлагаар дүүрэн байх ч энэ нь үүссэн таагүй асуудлыг шийдвэрлэхэд хангалттай бус байна. Харин долоо хоногийн эцсээр таны нэр хүнд өсөж өөрөөрөө бахархах болно. Хувийн амьдралд сайхан зүйл тохиолдоно. Гэхдээ од гараг өөрийн үзэл бодлоо хэт дээгүүр тавихгүй байхыг зөвлөж байна. Таны хувийн орон зайд нэгэн шинэ хүн нэвтрэн орж ирж, таны амьдралыг орвонгоор нь өөрчлөх хүн байх болно. Та сэтгэл зүрхний асуудалдаа тууштай, үнэнч хандахыг хичээгээрэй.
Долоо хоногийн эхээр болох олон нийтийн үйл ажиллагаа, ямар нэгэн олныг хамарсан арга хэмжээнүүд амжилттай байх болно гэдгийг одод хэлж байна. Аливаа амжилт дуртай цагтаа, хүссэн үед чинь ирэхгүй тул өмнө нь эхлүүлсэн ажлаа хурдан шаламгай, чанартай дуусгахдаа анхаар. Бусдаас ирэх санал, шүүмжлэлийг эмзэглэж хүлээж авах хэрэггүй. Бүх зүйл таны гарт байна. Ажил хэргийн уулзалт таны бодож байсан нааштай үр дүнг авчрахгүйд сэтгэл гонсойно. Өөрт хамааралгүй асуудал ялангуяа бусдын хэрэгт орооцолдох хэрэггүй. Танд нэг ч таатай зүйлийг авчрахгүй. Таны хувьд олон салбарын нэр нөлөө бүхий хүмүүстэй танилцах завшаан тохиож болох юм. Танд маш их хэмжээний ашиг орлого авчрах ажлынхаа төлөө та хоол ундыг умартан ажиллах болно. Үр дүн нь удахгүй гарна гэдэгт та итгэлтэй байж болно. Харин долоо хоногийн сүүлээр аар саар зүйлээс мөн шалдар булдар яриа өрнүүлж ажлын эрч хүч сулруулсан хүмүүсээс зайлсхий. Хэн нэгэнд хэт итгэж өөрийн бүх төлөвлөгөөгөө ярихаас болгоомжил. Аливаа таагүй зүйлийн шалтгаан нь болж магадгүй. Зарим нэг бухимдсан хүмүүсийн бай болж ширүүхэн маргаанд хутгалдаж мэднэ. Та өөрийн гэнэн зангаасаа болж бусдад мэхлэгдэх, хялбар аргаар мөнгө олох гэсэн явуургүй санаанд нь унаж мэднэ. Таны аливаад бодлогогүй хандчихдаг зан чинь эргээд өөрт тань уналтыг авчирна.
Долоо хоногийн эхээр танаас шалтгаалаагүй саад бэрхшээл тулгарч орлогын эх үүсвэрээ алдах, хүнд буруу ойлголт төрүүлэх гэх мэт ажилд тань сөргөөр нөлөөлж мэднэ. Гэвч таныг ивээж байгаа од гарагийн нөлөөтэйгөөр бүх зүйл таны талд эргэх болно. Таныг маш анхааралтай, онцгой эрч хүчтэй байхыг зөвлөж байна. Бодол санаагаа төвлөрүүлж, өмнө хийдгээсээ ч илүү их нарийвчлалтай, бүтээлчээр хандахыг хичээ. Энэ нь танд амжилт авчрах болно гэдгийг амлаж байна. Харин долоо хоногийн дундуур шинэ ажил авах, санхүүгийн асуудлаар шийдвэр гаргах зэрэгт таатай бус байна. Биеийн хүчний хүнд ажил хийх, эрсдэлтэй алхам хийхээс зайлсхийгээрэй. Та өөрийнхөө дэргэд байгаа, хамт ажилладаг, хамгийн их жөтөөрхдөг хүндээ бүхий л анхаарлаа хандуулаарай. Сэтгэлийн хөөрөл ихтэй, энэ нь аливаа зүйлд сөргөөр нөлөөлж мэднэ. Ажил хэргийнхээ амжилттай өрнөлд саад тотгор учруулахгүйн тулд энэ сэтгэлийн хөөрөлдөө автахгүй, гүйлгээ ухаанаар, тайвнаар сэтгэх хэрэгтэй. Долоо хоногийн сүүлээр худалдаа наймаа хийхдээ анхааралтай, хянуур байхыг од эрхэс зөвлөж байна. Гэхдээ од эрхсийн ивээлээр худалдаа наймаа эрхлэгч хониныхонд ашиг орлогоо өсгөж чадахуйц мэргэн санаа орж ирнэ. Залуу хүмүүсийн хувьд уулзаж учрах, болзоонд явах, шинээр хэн нэгэнтэй танилцах, ураг барилдах зэрэгт тохиромжтой. Гэр бүлдээ цагийг өнгөрүүлэхийг хичээ.
Долоо хоногийн эхээр шалдар булдар асуудлыг дэвэргэж, нөхцөл байдлыг илүү хурцатгах, дотоод зөрчилдөөнөө ил болгох зэрэг таагүй үйл явдлууд тохиолдож болзошгүй. Хэн нэгэнд амлалт өгөх, хий хоосон яриа, хов живд өртөхөөс зайлсхий. Харин гэр бүлийн тань хүн хийхээр төлөвлөсөн ажлаа амжилттай дуусгаж танд баярт мэдээ авчрах болно. Таны сэтгэл хөдлөл нэлээд өндөр байх болно. Хувийн амьдралд урам хугарах, гомдол зэмлэл байх ч тэднийг үлдэн хөөж чадна. Долоо хоногийн дундуур албан томилолтоор явах, зочлох зэрэг ажлуудыг хэсэгтээ л хойшлуулсан нь дээр. Хувийн амьдрал тань танаас маш их тэвчээр, ухаалаг байдал, болгоомжийг шаардах болно. Бүсгүйчүүдийн хувьд амьдралын хэмнэлээ өөрчлөх, урам зоригтой сайхан өдрүүд байх болно. Хаана ч очсон бүх хүмүүсийн анхаарлын төвд та байх болно. Өөрийн дур булаам, өөртөө итгэлтэй байдал, өөрийн бурхнаас заяасан хурц ухаан, өөдрөг үзэл тань ямар ч үед таныг олны өмнө байлгах болно. Харин долоо хоногийн сүүлээр олон нийттэй харилцах, өөрийгөө чөлөөтэй илэрхийлэхэд ихэнх цагаа зарцуулна. Та өөрөөсөө ахадсан үүрэг хариуцлагыг нуруун дээрээ үүрэх гэж зүтгэсний хэрэггүй. Сэтгэл санаа тогтворгүй, хувьсан өөрчлөгдсөн таагүй байгаа хэдий ч эмээж, зүрхшээж барьж авсан зүйл тань нэгхэн оролдлогоор амжилттай болох болно.